Code : 2237 196 Hit

صحیفہ سجادیہ میں اسلامی سیاست کے مکمل آداب موجود ہیں: آیت اللہ سبحانی

ایران کے نامور عالم دین اور مرجع تقلید نے کہا صحیفہ سجادیہ اگرچہ یہ دعاؤں کا مجموعہ ہے لیکن یہ ایسی گرانبہا کتاب ہے کہ جس میں معارف الہی اور اسلامی سیاست کی طور طریقوں کا خصوصی طور پر ذکر ہوا ہے۔

ولایت پورٹل: بین الاقوامی کانگریس امام سجاد(ع) میں ایران کے نامور عالم دین اور مرجع تقلید آیت اللہ جعفر سبحانی کا پیغام پڑھ کر سنایا گیا جس کا متن اس طرح ہے:
                                                                  بسم اللہ الرحمن الرحیم
اموی اور عباسی حکمرانوں کا آئمہ اطہار(ع) کے ساتھ رویہ ایک جیسا نہیں رہا۔ بعض اوقات حکومت کی کمزوری اور مختلف علاقوں میں حکومت کے خلاف ہونے والے مظاہرے باعث بنتے تھے کہ ان حکمرانوں کا رویہ لوگوں اور آئمہ(ع) کے ساتھ نرم ہو اسی لئے اس فرصت سے ہمارے آئمہ اطہار(ع) استفادہ کرتے تھے اور اسلام کی تبلیغ اور ترویج لوگوں میں زیادہ سے زیادہ کرتے تھے خصوصاً یہ فرصت امام محمد باقر و امام جعفر صادق علیہما السلام کے دور حیات میں ہوئی اور بعض اوقات یہ حکمران آئمہ اطہار(ع) اور دین اسلام کی ترویج کرنے والوں پر سختی سے پیش آئے اور یہ مرحلہ امام سجاد(ع) کی زندگی میں پیش آیا۔
صحیفہ سجادیہ اگرچہ دعاؤں کا مجموعہ ہے لیکن یہ ایسا گرانبہا تحفہ ہے کہ جس میں حقائق و معارف الہی اور اسلامی سیاست کے طور طریقے خصوصی طور پر ذکر ہوئے ہیں۔
بہرحال اس ذی قیمت کتاب میں تہذیب نفس اور فضائل اخلاقی کو زندہ کرنے اور رذائل کو کم کرنے کیلئے بہترین تعلیمات موجود ہیں یہ کتاب انسان کی روح کو تقویت اور رونق بخشتی ہے اور کبھی بھی انسان کو خدا کی یاد سے غافل نہیں کرتی۔
                                                                                                                           جعفر سبحانی
                                                                                                                         حوزہ علمیہ قم
واضح رہے کہ 8ویں بین الاقوامی کانگریس امام سجاد(ع) ایران کے شہر بندر عباس میں منعقد ہورہی ہے جس میں دنیا بھر سے مختلف مکاتب فکر سے تعلق رکھنے والے علماء کرام، دانشور، مفکرین،محققین اور اسکالرس شرکت کررہے ہیں۔




0
شیئر کیجئے:
फॉलो अस
नवीनतम