Code : 2030 13 Hit

کشمیر میں بس حادثہ؛7 افراد جاں بحق

ہندوستان کے زیر انتظام کشمیر میں مسافر بس حادثہ کا شکار ہو گئی جس کے نتیجے میں 4 خواتین سمیت 7 افراد جاں بحق ہوگئے۔

ولایت پورٹل: ہندوستان کے زیر انتظام کشمیر میں مسافر بس بارش کے باعث پھسل کر 800 میٹر گہری کھائی میں گر گئی جس کے نتیجے میں 4 خواتین سمیت 7 افراد جاں بحق ہوگئے،اطلاعات کے مطابق کشمیر میں پونچھ سیکٹر سے شاہدرہ شریف کے معروف مزار جانے والی مسافر بس حادثے کا شکار ہوگئی، بس سڑک پر پھسلن کے باعث بے قابو ہو کر گہری کھائی میں گر کر تباہ ہو گئی،ریسکیو ادارے کے ترجمان نے کہا کہ مسافر بس حادثے میں 7 افراد جاں بحق اور 25 زخمی ہوگئے، جاں بحق اور زخمی ہونے والوں کو قریبی اسپتال منتقل کردیا گیا ہے۔ جاں بحق ہونے والوں میں 4 خواتین اور ایک کم سن بچہ شامل ہے،بس میں 32 افراد سوار تھے،اسپتال ذرائع کا کہنا ہے کہ 25 زخمیوں میں سے 11 کی حالت نازک ہے جنہیں سری نگر کے بڑے اسپتال منتقل کردیا گیا ہے، جاں بحق ہونے والوں کی شناخت محمد پاذر، سفینہ، عبدالقیوم، محمد راشد، منشی بیگم، مسرت بی بی اور کنیزہ کے نام سے ہوئی ہے۔
مہر


0
شیئر کیجئے:
फॉलो अस
नवीनतम