Code : 1525 25 Hit

ہماری ولایت عمل اور پرہیزگاری کے بغیر نہیں مل سکتی:امام باقر(ع)

امام محمد باقر علیہ السلام نے ارشاد فرمایا:اے جابر! خداوند عالم کا تقرب صرف عبادت ہی سے حاصل کیا جا سکتا ہے نہ ہمارے پاس جہنم کے سلسلے میں کوئی سرٹیفکیٹ ہے اور نہ تم میں سے کوئی شخص خدا کے سامنے کوئی حجت پیش کرسکتا ہے۔جو اللہ کا اطاعت گزار ہے وہ ہمارا شیدائی ہے اور جو اس کا نافرمان ہے وہ ہمارا دشمن ہے ، ہماری ولایت عمل اور پرہیزگاری کے بغیر نہیں مل سکتی۔

ولایت پورٹل: جابر جعفی کا بیان ہے کہ امام جعفر صادق علیہ السلام نے فرمایا:"اے جابر!جس شخص نے مذہب شیعہ کو اپنایا ہے کیا اس کے لئے یہ دعوٰی کافی ہے کہ وہ ہم اہل بیت(ع) سے محبت کرتا ہے؟
خدا کی قسم ہمارا شیعہ صرف وہ ہے، جو خدا سے ڈرے۔ اس کی اطاعت  کرے اور  یہ لوگ  اپنے  تواضع (انکساری) خضوع و خشوع، امانت  کی ادائیگی، کثرت  سے ذکرِ خدا، نماز، روزے،والدین کے ساتھ حسِن سلوک،تنگدست پڑوسیوں، مسکینوں، مقروض لوگوں اور یتیموں کی خبرگیری، گفتگو کی سچائی، تلاوتِ قرآن اور سوائے کلمِہ خیر کے لوگوں کے بارے میں  اپنی  زبانوں کو بند رکھنے سے ہی  پہچانے جاتے ہیں اور یہ لوگ اپنے قبیلوں میں چیزوں کے امانت دار بنائے جاتے ہیں۔
جابر نے کہا: فرزند رسول(ص)! مجھے تو کوئی ایسا نظر نہیں آتا۔
امام(ع) نے فرمایا: اے جابر! مختلف باتیں تمہیں راستے سے ہٹا نہ دیں، کیا کسی شخص کے لئے اتنا کہنا ہی کافی ہے کہ میں حضرت علی علیہ السلام سے محبت کرتا ہوں اور ان کا شیدائی ہوں؟
اب اگر وہ یہ کہنے لگے کہ میں حضرت رسول خدا(ص) سے محبت کرتاہوں لیکن وہ شخص ان حضرت کی سیرت طیبہ کا اتباع نہ کرے۔ان کی سنت پرعمل نہ کرے۔ تو اگرچہ حضرت رسول خدا(ص)  حضرت علی(ع) سے افضل و برتر ہیں۔ لیکن  اتباع و عمل کے بغیر رسول(ص) کی محبت کا دعویٰ اس شخص کوکسی طرح کا فائدہ نہیں پہنچا سکتا۔
لہٰذا خدا سے ڈرو اور جو(مراتب) خداوندعالم کے پاس ہیں ان کے لئے عمل کرو۔
(یاد رکھو)خداوندعالم اورکسی بندے کے درمیان کوئی رشتہ داری نہیں  ہے، خداوندعالم کی بارگاہ  میں سب  سے  زیادہ پسندیدہ اور معزز وہ ہےجو خدا سے ڈرتا ہو اور اس کی زیادہ اطاعت کرتا ہو۔
اے جابر! خداوند عالم کا تقرب صرف عبادت ہی سے حاصل کیا جا سکتا ہے نہ ہمارے  پاس جہنم کے سلسلے  میں کوئی سرٹیفکیٹ ہے اور نہ تم میں سے کوئی شخص خدا کے سامنے کوئی حجت پیش کرسکتا ہے۔
جو اللہ کا اطاعت گزار ہے وہ ہمارا شیدائی ہے اور جو اس کا نافرمان ہے  وہ  ہمارا  دشمن  ہے ، ہماری   ولایت  عمل  اور پرہیزگاری کے بغیر نہیں مل سکتی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منبع:
شیعان اہلبیت(ع)،شیخ صدوق۔ص۷۹


0
شیئر کیجئے:
फॉलो अस
नवीनतम