Code : 4881 9 Hit

صیہونی بغیر ویزے کے آئیں گے اور دس مسلمان ممالک کے شہریوں کو ویزہ نہیں دیا جائے گا؛دبئی حکام کی اسرائیل نوازی

متحدہ عرب امارات نے ایک تازہ اقدام کے تحت دس ملکوں کے لئے سیاحتی ویزہ جاری کرنے پر پابندی لگادی ہے۔

ولایت پورٹل: متحدہ عرب امارات نے دس ممالک کے لئے سیاحتی ویزوں پر عملی طور پر پابندی لگادی ہے، بظاہر اس کی وجہ  بڑھتے کرونا کیسز پر پابندی بتایا گیا ہے، تاہم  ہندوستان جو دنیا میں کرونا کیسز کے حوالے سے دوسرے نمبر پر ہے، اس کا نام پابندی والی فہرست میں شامل نہیں کیا گیا۔
تفصیلات کے مطابق متحدہ عرب امارات نے 10 ملکوں کے شہریوں کیلئے سیاحتی ویزے بند کردئیے ہیں، ان میں پاکستان ،ترکی،ایران، یمن، شام، عراق، صومالیہ، لیبیا، کینیا اور افغانستان شامل ہیں، یو اے ای نے تمام ائیر لائنز کو اس حوالے سے ہدایات جاری کردی ہیں۔ یہ پابندی غیر معینہ مدت کے لئے لگائی گئی ہے۔
دوسری جانب ابوظبی کی فضائی کمپنی اتحاد ائرلائن نے اعلان کیا ہے کہ وہ اسرائیل کے لیے اپنی براہ راست پروازوں کا آغاز آیندہ برس سے کرے گی،اس سلسلے میں جاری بیان میں وضاحت کی گئی ہے کہ تل ابیب کے لیے پروازوں کا آغاز 28 مارچ سے ہوگا۔
ٹرمپ کی سینچری ڈیل اور قدس شریف کو اسرائیل کا دارالحکومت تسلیم کئے جانے کے بعد متحدہ عرب امارات کی جانب سے فلسطینیوں کے زخموں پر نمک پاشی کا سلسلہ جاری ہے،  اسلامی مزاحمتی تحریک حماس نے امارات کی اسرائیل نوازی پرکڑی تنقید کی ہے۔
سحر

1
شیئر کیجئے:
ہمیں فالو کریں
تازہ ترین