ایران کی طرف کسی آنکھ اٹھا کر دیکھنے کی اجازت نہیں دیں گے:سپاہ پاسداران

سپاہ پاسداران انقلاب اسلامی کا کہناہے کہ  ایرانی قوم نے اس سے پہلے بھی دشمن کی ہر سازش کو ناکام بنایا ہے اور آئندہ بھی ایسا ہی ہوگا۔

ولایت پورٹل:ایران کی سپاہ پاسداران انقلاب اسلامی نے ایک بیان میں انقلاب اسلامی کی کامیابی  کی 42 ویں بہارکے موقع پر مبارکباد پیش کرتے ہوئے کہا ہے کہ ملک کی طرف کسی کو آنکھ اٹھانے کی اجازت نہیں دیں گے، سپاہ کی توجہ ملک کی طاقت اور قدرت میں اضافہ پر مرکوز ہے۔
سپاہ  پاسداران نے اپنے بیان میں انقلاب اسلامی کے خلاف دشمن کی گھناؤنی سازشوں کی طرف اشارہ کرتے ہوئے کہا ہے کہ ایرانی قوم نےاستقامت اور پائداری کے ساتھ گذشتہ 42 برسوں میں انقلاب اسلامی کے خلاف دشن کی تمام سازشوں کو ناکام بنادیا ہے اورایرانی عوام  مستقبل میں بھی ہوشیاری اوربیداری کے ساتھ دشمن کی ہر سازش کو ناکام بنادیں گے۔
سپاہ نے اپنے بیان میں ملک کے استقلال اورترقی کی طرف اشارہ کرتے ہوئے کہا ہے کہ دشمن کی اقتصادی پابندیوں کے باوجود ایران مختلف شعبوں میں ترقی اورپیشرفت کی سمت گامزن ہے، سپاہ نے اپنے بیان میں کہا ہے کہ سپاہ کی توجہ ملک کی طاقت اور قدرت میں اضافہ پر مرکوز ہے اور ہم کسی کو ملک کی طرف آنکھ اٹھانےکی اجازت  نہیں دیں گے۔
مہر

0
شیئر کیجئے:
ہمیں فالو کریں
تازہ ترین