Code : 4672 6 Hit

ترکی میں امریکی سفارتخانہ کو حملے کی دھمکی؛ویزا خدمات عارضی طور پر بند

ترکی میں قائم امریکی سفارتخانہ کودہشت گردانہ حملے کی دھمکی ملنے کے بعدسبھی قونصلیٹ میں ویزا خدمات عارضی طور پر بند کر دی گئی ہیں۔

ولایت پورٹل:ترکی میں واقع امریکی سفارت خانہ نے جمعہ کو دہشت گردانہ حملے کا الرٹ جاری کیا ہے جس کے بعد سفارت خانہ نے کہا ہے کہ اسے امریکیوں اور دیگر غیر ملکیوں پر ممکنہ حملے کی خبر ملی ہے اس وجہ سے سفارت خانہ کی سبھی سروسز عارضی طور پر معطل کردی گئی ہیں، پورے علاقہ میں لوگوں کی سرگرمیوں پر پابندی لگا کر تلاشی مہم چلائی جارہی ہے ۔ ترکی کی سیکورٹی فورسز نے بھی سفارت خانہ جانے والے راستے پر سیکورٹی سخت کردی ہے ۔
امریکی سفارت خانہ نے اپنے بیان میں کہا ہے کہ ترکی میں امریکی مشن کو استنبول اور دیگر مقامات میں امریکی قونصل جنرل سمیت امریکی شہریوں پر ممکنہ دہشت گردانہ حملے یا انہیں اغوا کئے جانے کے بارے میں ٹھوس خبر ملی ہے ۔
ترکی کے دارالحکومت انقرہ میں سفارت خانہ نے امریکی شہریوں سے بڑے دفاتر ، شاپنگ مال اور ان کی آمد ورفت کے دیگر مقامات پر احتیاط برتنے کی اپیل کی ہے ۔
خطرے کے پیش نظر ترکی میں سبھی امریکی قونصلیٹ میں ویزا خدمات عارضی طور پر بند رہیں گی ۔
سحر

0
شیئر کیجئے:
ہمیں فالو کریں
تازہ ترین