ولایت پورٹل: حضرت آیت اللہ العظمٰی جوادی آملی(مدظلہ) نے ماہ رمضان المبارک کی اہمیت اور فضیلت بیان کرتے ہوئے فرمایا کہ یہ مہینہ انسان کے حساب و کتاب کا مہینہ ہے۔یہ ایسا مہینہ ہے جس میں یہ معلوم ہوجاتا ہے کہ ہم نے گذشتہ ۱۱ مہینوں میں کیا کیا؟ اور ہم آنے والے ۱۱ مہینوں میں کیا کرنے والے ہیں۔
مرجع تقلید آیت اللہ جوادی آملی نے سید ابن طاوسؒ سے نقل کرتے ہوئے اہل سیر و سلوک اور عرفاء کی ایک خاص صفت کی طرف اشارہ کرتے ہوئے کہا کہ:اہل سیر سلوک اور عرفاء اپنے سال کا آغاز ماہ رمضان المبارک سے کرتے ہیں وہ اپنے حساب کتاب اور اعمال کو رمضان سے رمضان تک چیک کرتے ہیں کہ گذشتہ ماہ رمضان میں وہ کس مقام پر فائز تھے اور اس برس وہ کس درجہ پر ہیں۔انہوں نے کتنے معارف و تعلیمات سیکھے اور ان کے لئے کتنے جدید مسائل حل ہوئے ۔گناہوں کے مقابل انہوں نے کس قدر صبر کا مظاہرہ کیا اور دشمن(شیطان) کے مقابل ان کے ارادے کتنے پختہ ہوئے۔ پس رمضان المبارک عرفاء اور سالکان الی اللہ کے لئے محاسبہ کا مہینہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منبع:
حکمت عبادات ص 169