ولایت پورٹل:رہبر معظم آیت اللہ العظمی سید علی خامنہ ای کے عربی ٹویٹر پیج نے یورپ کے متعدد ممالک میں قرآن پاک کی توہین کے سلسلہ میں آپ کے موقف کو شائع کیا، اسی مناسبت سے رہبر معظم نے متعدد یورپی ممالک کی طرف سے قرآن کریم کی توہین کیے جانے کے سلسلہ میں اپنے مؤقف کا اظہار کرتے ہوئے کہا کہ آزادی اظہار رائے کے نعرے کے ساتھ قرآن مجید کی دیوانہ وار توہین اس بات کو ظاہر کرتی ہے کہ استکباری حملوں کا ہدف اسلام اور قرآن ہیں۔
انہوں نے کہا کہ استکبار کی سازش کے باوجود قرآن روز بروز مقبول ہو رہا ہے اور مستقبل اسلام کا ہے، انہوں نے مزید کہا کہ دنیا کے تمام آزادی پسندوں کو مذہب کے مقدسات کی توہین اور نفرت پھیلانے کی گھناؤنی پالیسی کے خلاف مسلمانوں کے ساتھ کھڑا ہونا چاہیے۔