Code : 4017 2 Hit

ٹرمپ کی بھیجی ہوئی پولیس کو سیئٹل کے میئر نے واپس کر دیا

امریکی فیڈرل ریزرو پولیس جسے مرکزی حکومت نے مظاہروں کو کچلنے کے لئے سیئٹل بھیجاتھا ، اس شہر کے میئر کے حکم سے واپس چلی گئی ہے۔

ولایت پورٹل:روئٹرز نیوز ایجنسی کی رپورٹ کے مطابق سیئٹل کے میئر جینی ڈورکن نے آج  وفاقی سکیورٹی فورسز کی اس شہر سے واپسی کا اعلان کیا، ڈورکن نے اپنے ٹویٹر پیج پر لکھا ہے کہ امریکی محکمہ ہوم لینڈ سیکیورٹی نے انہیں مطلع کیا ہے کہ امریکی بارڈر پٹرول ٹیکٹیکل آفیسرز نے سیئٹل چھوڑ دیا ہے ، واضح رہے کہ گذشتہ ہفتے امریکی فیڈرل ریزرو  پولیس واشنگٹن کے سب سے بڑے شہر میں سرکاری عمارتوں کی حفاظت اور سیئٹل میں نسل پرستانہ مخالف مظاہروں کو روکنے کے لئے مرکزی حکومت کے حکم پر اس شہر میں داخل ہوئی تھی، اسی دوران ، سیئٹل کے میئر نے شہر میں وفاقی سیکیورٹی فورسز کی تعیناتی کے خلاف اپنی مخالفت کا اعلان کرتے ہوئے کہا کہ اس اقدام کومقامی حکام نے منظور نہیں کیا اور اس طرح سرکاری تنصیبات اور املاک کو مزید نقصان پہنچ سکتا ہے۔
روئٹرز کے مطابق  ڈورکن نے ٹویٹ کیا کہ پولیس کی واپسی کی وجہ مقامی حکام کی طرف سے احتجاج کو پرسکون کرنے کے بجائے ، وفاقی سکیورٹی فورسز کی جانب سے تشدد کو مزید بڑھاوا ملنے کے بارے  میں شکایت تھی  لیکن امریکی محکمہ ہوم لینڈ سکیورٹی نے ابھی تک اس خبر پر کوئی رد عمل ظاہر نہیں کیا ہے،یادرہے کہ 25 مئی کو امریکی پولیس کے ہاتھوں اس ملک کے ایک سیاہ فام شہری جارج فلائیڈ کے بہیمانہ قتل کے بعد سے امریکہ کے متعدد شہروں میں نسل پرستی کے خلاف مظاہرے ہورہے ہیں جنہیں امریکی پولیس کے ذریعہ نہایت ہی بے دردی کے ساتھ کچلا جارہا ہے اور سکیورٹی حکام ان مظاہروں کے خلاف طاقت کر بھرپور استعمال کررہے ہیں۔
جس کے پیش نظر اس سے قبل ، پورٹ لینڈ ، سیئٹل ، شکاگو ، کینساس ، البرق ، نیو میکسیکو اور واشنگٹن کے میئروں نے امریکی ایوان نمائندگان اور سینیٹ کو ایک خط لکھا تھا جس میں لکھاتھا کہ مقامی حکام کے خلاف احتجاج کی وجہ سے حکومت کو شہروں میں وفاقی طاقت کا غلط استعمال نہیں کرنا چاہئے۔



0
شیئر کیجئے:
ہمیں فالو کریں
تازہ ترین