Code : 3541 5 Hit

معذور فلسطینی کو شہید کرنا قابض رہنماؤں کی بوکھلاہٹ کی علامت ہے:حماس

فلسطینی اسلامی مزاحمتی تحریک کے ترجمان نے اسرائیلی فورسز کے ہاتھوں معذورفلسطینی شہری کی شہادت کو اسرائیلی رہنماؤں کی جارحیت اور افسردگی کی علامت قرار دیا۔

ولایت پورٹل:فلسطین کی اسلامی مزاحمتی تحریک (حماس) کے ترجمان  حازم قاسم نے صیہونی فورسز کی ذہنی طور پر معذور فلسطینی شہری کی شہادت کی خبر پر آج (ہفتے کے روز) اپنا رد عمل ظاہر کیا۔
یادرہے کہ اسرائیلی پولیس نے ہتھیار لے جانے کے شبہ میں آج ذہنی طور پر معذور ایک نوجوان فلسطینی نوجوان کو شہید کردیا جس کی شہادت کے بعد  یہ واضح ہوگیا کہ اس کے پاس کوئی ہتھیار نہیں تھا۔
اسلامی مزاحمتی تحریک کے ترجمان نے کہاکہ صیہونیوں کےیہ جرائم ہماری قوم کی انقلابی جدوجہد کے لیے ایندھن بنیں گے۔
انھوں نے مزید کہا کہ فلسطینی قوم  اس وقت تک خاموش نہیں رہے گی جب تک کہ غاصب ان کی تمام زمینیں نہیں چھوڑیں گےاور ان جرائم میں سے ہر ایک پر ہماری قوم کا ردعمل ایک نئی مزاحمت اور ایک مستقل انتفاضہ ہوگا۔
حازم قاسم نے صیہونی حکومت کے طرز عمل کو دہشت گرد سمجھتے ہوئے کہا کہ قابض حکومت فلسطینیوں کے خون کی پیاسی ہے۔
حماس کے ترجمان کا مزید کہنا ہے کہ صیہونی حکومت کے اقدامات سے ان ممالک کے جرائم کی مقدار ظاہر ہوتی ہے جو اس حکومت کے ساتھ اپنے تعلقات معمول پر لانے کے لیے مسابقہ دےرہے ہیں۔
حازم قاسم نے اس بات پر بھی زور دیا کہ صیہونی حکومت کےساتھ تعلقات معمول پر لانے کی کوششوں کا تسلسل فلسطینی عوام کا خون بہانے میں غاصبوں کے جرم میں سمجھوتہ کاروں کو شراکت دار بنائے گا۔
 
 


0
شیئر کیجئے:
ہمیں فالو کریں
تازہ ترین