امریکی شہر سولون میں پہلی مسجد

امریکہ کے شیگرین اسلامک سنٹر نے اس ملک کی ریاست اوہائیو کے شہر سولون میں پہلی مسجد کے افتتاح کا جشن منایا۔

ولایت پورٹل:کلیولینڈ کی رپورٹ کے مطابق امریکہ کے شیگرین اسلامک سینٹر نے اس ملک کی ریاست اوہائیو کے شہر سولون میں پہلی مسجد کے افتتاح کا جشن منایا، شیگیرین اسلامک سنٹر کو 2018 میں تعمیر شروع ہونے کے بعد سے بہت سے چیلنجوں کا سامنا کرنا پڑا ہے، لیکن مرکز نے ان رکاوٹوں کو دور کیا اور ایک شاندار تقریب کے ساتھ شہر کی پہلی مسجد کا افتتاح کیا۔
 شیگرین اسلامک سینٹر کے فنانشل ڈائریکٹر مسرور مالک نے 50 منٹ کے پروگرام کے آغاز میں، جس میں مذہبی اور شہری رہنماؤں کی تقریریں شامل تھیں، کہاکہ مسجد کا ہونا ہمارا ایک خواب تھا جو اب پورا ہو گیا ہے، مالک نے کہاکہ یہ سب کچھ ایک دہائی قبل ہونے والی گفتگو سے شروع ہوا تھا جس کے بعد2012 میں مذہبی اور سماجی غیر منافع بخش مرکز قائم کیا گیا تھا اور 2017 میں سولون سٹی کونسل نے شہر کی پہلی مسجد کی تعمیر کے منصوبے کی منظوری دی۔
واضح رہے کہ  تقریباً 7000 مربع فٹ کے رقبے پر  مشتمل3 ملین ڈالر کی لاگت سے بننے والی یہ عمارت 5.8 ہیکٹر اراضی پر بنائی گئی ہے، شیگرین اسلامک سنٹر کے مالیاتی ڈائریکٹر کے مطابق اس منصوبے کی مالی اعانت گزشتہ چھ سالوں میں اسلامی کمیونٹی کے ارکان نے کی۔

0
شیئر کیجئے:
ہمیں فالو کریں
تازہ ترین