صیہونی حکومت پر اس قابض ریاست کی تاریخ کا سب سے بڑا سائبر حملہ

صیہونی ذرائع نے اطلاع دی ہے کہ اس حکومت کی وزارتوں کی ویب سائٹس کو مکمل طور پر منقطع کر دیا گیا ہے جبکہ اس خرابی کی وجہ ابھی تک معلوم نہیں ہوسکی ہے۔

ولایت پورٹل:المیادین نیوز چینل نے ذرائع ابلاغ کے حوالے سے خبر دی ہے کہ اس حکومت کی تمام ویب سائٹس میں خلل ایجاد ہوا ہے،رپورٹ کے مطابق صیہونی حکومت کی تمام وزارتوں کی ویب سائٹس بند کردی گئی ہیں اور اس حکومت کے وزراء سرکاری ویب سائٹس نہیں کھول سکیں گے، میڈیا نے یہ بھی کہا کہ اس خرابی کی وجہ فی الحال نامعلوم ہے۔
 صہیونی اخبار Haaretz نے یہ بھی اطلاع دی ہے کہ حکومت کے دوران متعدد سرکاری ویب سائٹس کو ہیک کیا گیا  جس میں وزارت داخلہ، صحت، انصاف ، بہبود اور وزیر اعظم کے دفتر کی ویب سائٹس بھی شامل ہیں۔
 اس سلسلے میں ٹیکنالوجی کمپنی سائبرائزن نے حال ہی میں دعویٰ کیا ہے کہ ایران نے اپنے نائبین کی مدد سے صیہونی حکومت سے متعلق درجنوں اداروں کو ہیک کیا ہے، یہ رپورٹ گزشتہ ایک سال کے دوران اسرائیلی حکومت کے زیر ملکیت درجنوں نجی اور سرکاری اداروں کو ایران اور اس کے پراکسی گروپوں کے اثر و رسوخ کی گہرائی کے بارے میں نئی معلومات فراہم کرتی ہے۔

0
شیئر کیجئے:
ہمیں فالو کریں
تازہ ترین