صیہونیوں نے پھر حماقت کی ہے:جہاد اسلامی

فلسطین کی جہاد اسلامی تحریک نے اعلان کیا کہ صیہونی غاصب ہماری قوم کے خلاف جرائم کا ارتکاب جاری رکھے ہوئے ہے اور اس نے مغربی کنارے کے نابلس میں ایک نئی حماقت کا ارتکاب کیا ہے۔

ولایت پورٹل:فلسطین ٹوڈے کی رپورٹ کے مطابق فلسطین کی جہاد اسلامی تحریک نے اعلان کیا ہے کہ صیہونی غاصب ہماری قوم کے خلاف جرائم کا ارتکاب جاری رکھے ہوئے ہے اور اس نے مغربی کنارے کے نابلس میں ایک نئی حماقت کا ارتکاب کیا ہے۔
 مغربی کنارے میں جہاد اسلامی تحریک کے ترجمان طارق عزالدین نے نابلس میں قابضین کے حملے پر ردعمل کا اظہار کرتے ہوئے کہا کہ اس کے بعد کسی کے لیے کوئی عذر نہیں رہے گا، نابلس میں جو کچھ ہو رہا ہے وہ آگ کا پہاڑ ہے جس سے ظاہر ہوتا ہے کہ غاصب ہماری قوم اور مزاحمت کو نہیں چھوڑیں گے اور گھناؤنے جرائم کا ارتکاب کریں گے۔
 انہوں نے مزید کہا کہ آج ہمیں صیہونی حکومت کی فوج کی جانب سے نئی پالیسی اور خطرناک کشیدگی پیدا کرنے والے اقدامات کا سامنا ہے جن سے سنجیدگی کے ساتھ نمٹا جانا چاہیے،ہماری تمام قوم کو قابض قوتوں کا مقابلہ کرنا چاہیے اور ہمیں مزاحمت کا دائرہ بڑھانا چاہیے۔
 عزالدین نے زور دیا کہ قابضین کو ان جرائم کی قیمت ادا کرنی ہوگی، صیہونی غاصب فلسطینیوں کے خون کو بہانا جائز سمجھتے ہیں اور غزہ، مغربی کنارے اور بیت المقدس میں ہماری قوم کے خلاف غیر معمولی جرائم کرتے ہیں۔

0
شیئر کیجئے:
ہمیں فالو کریں
تازہ ترین