Code : 2225 105 Hit

یمنیوں کا نصر من اللہ شاندار آپریشن؛ 500 سے زائد سعودی فوجی ہلاک اور زخمی

یمنی فوج نے اس ملک پرمسلط کردہ جنگ میں" نصر من اللہ " کے نام سے اب تک کا سب سے بڑا دفاعی فوجی آپریشن کیاجس میں سعودی عرب کے 500 فوجیوں کو ہلاک اور زخمی کردیا گیا جبکہ سیکڑوں فوجیوں کو گرفتار کرلیا گیا۔

ولایت پورٹل:المسیرہ نیوز ایجنسی کی رپورٹ کے مطابق یمنی فوج کے ترجمان یحیی سریع نے یمنی فوج کے " نصر من اللہ " آپریشن کو آرامکو آپریشن کے برابر قراردیتے ہوئے کہا ہے کہ اس آپریشن میں 500 سے زائد سعودی فوجیوں کو ہلاک اور زخمی کردیا گیا جبکہ سیکڑوں فوجیوں کو گرفتار کرلیا گیا ہے جن میں غیر سعودی فوجی بھی شامل ہیں، اس نے کہا کہ نصرمن اللہ آپریشن میں یمنی ڈرونز، میزائلوں اور تمام فوجی یونٹوں نے حصہ لیا اور اس آپریشن میں 350 کلو میٹر مربع علاقہ آزاد کرالیا گیا ، انھوں نے کہا کہ یمن پرمسلط کردہ جنگ میں یمن کا یہ سب سے بڑا دفاعی فوجی آپریشن تھا،جس میں سعودی عرب کے 500 فوجیوں کو ہلاک اور زخمی کردیا گیا اس آپریشن کا آغاز 25 اگست کو کیا گیا، سعودی عرب کے جنگی طیاروں نے اپنے فراریا تسلیم  ہونے والے فوجیوں پر بمباری کی جس کے نتیجے میں 200 سے زائد سعودی فوجی مارے گئے ہیں ۔ باخبر ذرائع کے مطابق سعودی عرب کے 5000 فوجیوں ميں سے 2000 سے زائد فوجی گرفتار 500 سے زائد فوجی ہلاک اور زخمی ہوگئے ہیں باقی ماندہ فوجی فرار ہوتے ہوئے سعودی عرب کی بمباری میں ہلاک یا زخمی ہوئے ہیں ،یمنی فوجی اہلکار اس آپریشن کو بقیق اور الخریص میں سعودی عرب کی تیل کی تنصیبات پر ہونے والے ڈرون حملوں کے مساوی قراردے رہے ہیں وہاں سعودی عرب کو بہت بڑا مالی نقصان ہوا جبکہ اس آپریشن میں سعودی عرب کے فوجی بڑی تعداد میں ہلاک ، زخمی اور اسیر ہوگئے ہیں۔ ایسے ہی اقدامات کو " نصر من اللہ " کہتے ہیں۔


0
شیئر کیجئے:
फॉलो अस
नवीनतम