ولایت پورٹل:آئی بی ٹائمز کی  رپورٹ کے مطابق اقوام متحدہ کی سلامتی کونسل کا اجلاس روس کے نمائندے کے ساتھ امریکہ اور انگلینڈ کے نمائندوں کی زبانی جنگ کی صورت اختیار کر گیا، رپورٹ کے مطابق اس اجلاس میں امریکہ اور اس کے اتحادیوں کے نمائندوں نے دعویٰ کیا کہ روس نے یوکرین میں امریکی حیاتیاتی فوجی پروگرام کو پیش کر کے اقوام متحدہ کا وقت ضائع کیا۔
واضح رہے کہ اب تک روس یوکرین میں امریکی حیاتیاتی ہتھیاروں کا معاملہ اقوام متحدہ کی سلامتی کونسل کے اجلاسوں میں دو بار اٹھا چکا ہے جبکہ امریکہ اور یوکرین کا دعویٰ ہے کہ ان کے پاس حیاتیاتی ہتھیار نہیں ہیں، اقوام متحدہ میں برطانوی سفیر باربرا ووڈورڈ نے روس کے واسیلی نیبنزیا  سے کہا کہ ہمیں اس بکواس کو مزید کتنا برداشت کرنا پڑے گا۔
یاد رہے کہ روس نے حال ہی میں اقوام متحدہ سے اس معاملے کی باضابطہ تحقیقات کرنے کو کہا تھا، ماسکو نے سلامتی کونسل میں ایک قرارداد کا مسودہ  پیش کیا اور ان دعوؤں کی تحقیقات کے لیے اس کونسل کے تمام 15 ارکان پر مشتمل ایک کمیشن تشکیل دینے کا مطالبہ کیا۔
قابل ذکر ہے کہ امریکی نمائندہ لنڈا تھامس گرین فیلڈ نے روس کی جانب سے حیاتیاتی ہتھیاروں کے پروگرام کے وجود سے متعلق دستاویزات کو  مکمل طور پر جعلی قرار دیا اور دعویٰ کیا کہ روس کے اس طرح کے بیانات بغیر کسی ثبوت کے ہیں۔