Code : 3753 10 Hit

متحدہ عرب امارات کے ساتھ تعلقات دو دہائیوں سے بھی زیادہ پرانے ہیں: صہیونی اخبار

صیہونی اخبار نے لکھا ہے متحدہ عرب امارات اور صیہونی حکومت دو دہائی یا اس سے زیادہ عرصے سے رابطے میں ہیں اور یہ تعلقات حال ہی میں عام ہوئے ہیں۔

ولایت پورٹل:صہیونی اخبار معاریو نے اپنی ایک رپورٹ میں لکھا ہے کہ صہیونی حکومت کے دو دہائیوں سے زیادہ عرصے سے متحدہ عرب امارات کے ساتھ تعلقات ہیں۔
رپورٹ میں کہا گیا ہے کہ متحدہ عرب امارات کے ساتھ صہیونی حکومت کے خفیہ تعلقات دو دہائیوں یا اس سے زیادہ عرصے سے موجود ہیں اور حالیہ برسوں میں علاقائی صورتحال  کی وجہ سے یہ تعلقات عام ہوگئے ہیں۔
یادرہے کہ  حال ہی میں  امریکہ میں تعینات متحدہ عرب امارات کے سفیر یوسف العتیبہ نے تب ابیب اور ابوظہبی کے مابین مضبوط تعلقات پر زور دیا اور موجودہ تعلقات کی تعریف کی۔
انہوں نے یہ بھی انتباہ کیا کہ مغربی کنارے کے قبضے سے دونوں فریقوں  کےتعلقات کو نقصان پہنچے گا۔
یادرہے کہ متعدد صہیونی سفارت کاروں نے انبتاہ دیتے ہوئے کہا ہے کہ اسرائیلیوں اور عرب ممالک کے درمیان کوئی اختلاف نہیں ہے لیکن مقبوضہ فلسطین کے اندر اندرونی سلامتی کے نظریہ اور اسرائیلی معاشرے کی مستقبل کی شکل کے بارے میں بحث ہے کہ یہاں کون سی حکومت ہوگی اور اس کی سرحدیں کہاں تک ہوں گی؟ کیا ہم ان (فلسطینیوں) پر قابو پا لیں گے یا ہم ان کے ساتھ ہی رہیں گے؟۔
رپورٹ میں مزید آیا ہے کہ تاریخ گواہ ہے  کہ جس نے بھی فلسطینیوں سے فرار کیاہے  فلسطینیوں نے اس کا پیچھا کیا ہے۔
کسے پتا؟ شاید وقت کے ساتھ فلسطین کا مسئلہ خود ہی حل ہوجائے گا  اور شاید ہماری قسمت ہمیں سمندر سے دریائے اردن تک ایک ہی ملک کی طرف لے جائے گی۔
یا عملی طور پر ہم کہیں بھی نہ جاسکیں ، دبئی ، ریاض ، اور منامہ میں اپنے نئے دوستوں کے ساتھ تعلقات بحال کرنے کے بعد ہمیں احساس ہو کہ ہم نے چابیاں پیچھے چھوڑ دی ہیں۔






0
شیئر کیجئے:
ہمیں فالو کریں
تازہ ترین