قرآن مجید کی بے حرمتی کیے جانے پر ترکی میں سویڈن سفیر کی طلبی

ترکی نے سویڈن میں ترک سفارت خانے کے سامنے ایک شدت پسند کو قرآن پاک کو نذر آتش کرنے کی اجازت دینے کے بعد اپنے ملک میں تعینات سویڈش سفیر کو وزارت خارجہ میں طلب کیا۔

ولایت پورٹل:سویڈش حکام کی جانب سے اسٹاک ہوم میں ترک سفارت خانے کے سامنے قرآن پاک کو نذر آتش کرنے کی اجازت دینے کے بعد ترک وزارت خارجہ نے انقرہ میں سویڈن کے سفیر کو طلب کرکے سویڈن کو قرآن پاک کے بے حرمتی اور اسٹاک ہوم میں PKK سے متعلقہ حلقوں کی پروپیگنڈہ سرگرمیوں کے بارے میں خبردار کیا نیز ان اقدامات کو سہ فریقی یادداشت کی صریح خلاف ورزی قرار دیا۔
واضح رہے کہ سویڈن کی پولیس نے ایک سویڈش انتہا پسند کو ہفتہ کے دن ترک سفارت خانے کے سامنے قرآن پاک کا نسخہ جلانے کی اجازت دے دی، یاد رہے کہ کچھ عرصہ قبل PKK کے حامیوں نے اسٹاک ہوم میں ترکی کے صدر رجب طیب اردگان کے خلاف مظاہرہ کیا اور ان کا مجسمہ لٹکا دیا جس پر انقرہ حکام کی جانب سے شدید ردعمل سامنے آیا،ان اقدامات کے بعد ترک وزیر دفاع ہولوسی آکار نے اپنے سویڈش ہم منصب سے ملاقات منسوخ کر دی جس سے اندازہ ہوتا ہے کہ دونوں ممالک کے درمیان تعلقات میں بھی درار آئی ہے۔

0
شیئر کیجئے:
ہمیں فالو کریں
تازہ ترین