Code : 3407 11 Hit

بعض عرب حکومتیں اسرائیل کے ساتھ تعلقات ہی میں اپنی بقا سمجھتی ہیں

حماس اسلامی مزاحمتی تحریک کے ایک رکن نے صیہونی حکومت کے ساتھ عرب رہنماؤں کے تعلقات معمول پر لانے کی کوششوں پر ردعمل کا اظہار کرتے ہوئے کہاکہ کچھ عرب حکومتیں تل ابیب کے ساتھ تعلقات کو معمول پر لانے میں ہی اپنی بقا کو دیکھتی ہیں۔

ولایت پورٹل:فلسطین الیوم کی رپورٹ کے مطابق فلسطین کی اسلامی مزاحمتی تحریک حماس کے ایک ممبر ماہر صلاح نے صیہونی حکومت کے ساتھ عرب رہنماؤں کے تعلقات معمول پر لانے کی کوششوں کے بارے میں بات کرتے ہوئے کہا کہ کچھ عرب حکومتیں ، کسی بھی طرح صیہونی دشمن کے ساتھ تعلقات کو معمول پر لانے کی کوشش کرتی ہیں ، کیونکہ وہ اس کام میں اپنی بقا اور سلامتی کو دیکھتے ہیں۔
صلاح نے کہا کہ کچھ عرب حکومتوں کا خیال ہے کہ قابض صہیونی حکومت کے ساتھ تعلقات معمول پر لانے سے وہ اپنی طاقت اور خودمختاری کے تسلسل کو مستحکم کرسکتی ہیں۔
حماس تحریک کے اس رکن نے یہ کہتے ہوئے کہ  صہیونی دشمن کے ساتھ تعلقات کو معمول پر لانے کے معاملے کا کوئی مستقبل نہیں ہے، تاکید کی کہ اس سمت میں کوئی بھی اقدام یا کوشش امت کے ساتھ غداری اور اس کے موقف اور مفادات کے خلاف اقدام ہے۔
انھوں نے مزید کہا کہ عالمی سطح پر صیہونی حکومت کے بائیکاٹ کی تحریکیں دن بدن بڑھتی جارہی ہیں۔



0
شیئر کیجئے:
फॉलो अस
नवीनतम