ولایت پورٹل:نیٹو کے سکریٹری جنرل ینس اسٹولٹن برگ  نے جرمن اخبار سے بات کرتے ہوئے کہا کہ ہمیں اس حقیقت کے لیے تیاری کرنی چاہیے کہ روس یوکرین جنگ میں برسوں لگ سکتے ہیں، ینس اسٹولٹن برگ نے خبر دار کیا ہے کہ یوکرین کی جنگ اگلے کئی برسوں تک جاری رہ سکتی ہے۔
واضح رہے کہ نیٹو سربراہ کا یہ بیان ایسے وقت میں سامنے آیا ہے جب یورپی کمیشن کی جانب سے یوکرین کو یورپی یونین کے امیدوار کا درجہ دینے کی تجویز کے بعد روس نے یوکرین پر حملے تیز کر دیے، روسی حکام بارہا یہ کہہ چکے ہیں کہ انہیں یوکرین میں امریکہ اور یورپ کی نیابت میں لڑی جانے والی جنگ کا سامنا ہے۔
روس پہلے ہی کہہ چکا ہے کہ نیٹو کی جانب سے یوکرین کی حمایت سے روس کے ساتھ کشیدگی کم کرنے میں کوئی مدد نہیں ملے گی، واضح رہے کہ امریکہ اور اس کے نیٹو اتحادی یوکرین جنگ میں براہ راست مداخلت سے گریز کر رہے ہیں تاہم دنیا بھر سے جنگجو، ہتھیار اور ایندھن کی سپلائی جاری رکھے ہوئے ہیں جس کی وجہ سے روس کا کہنا ہے کہ یوکرین میں ہم نیٹو کے ساتھ لڑ رہے ہیں۔