Code : 2061 11 Hit

جیسے کشمیر سے آرٹیکل 370 ختم کیا گیا ہے ویسے ہی بابری مسجد کی جگہ رام مندر بھی بنایا جائے گا:بی جے پی کی رکن پارلیمنٹ

بی جے پی کی رکن پارلیمنٹ پرگیا سنگھ ٹھاکر نے کہا ہے کہ جس طرح کشمیر کی خصوصی حیثیت ختم کی گئی ٹھیک اسی طرح ایودھیا میں منہدم بابری مسجد کی جگہ رام مندر بھی تعمیر کیا جائیگا۔

ولایت پورٹل:ہندوستانی  ذرائع ابلاغ کی رپورٹ کے مطابق ہندوستان کی حکمراں جماعت بی جے پی کی رکن پارلیمنٹ پرگیا سنگھ ٹھاکر نے کہا ہے کہ جس طرح کشمیر کی خصوصی حیثیت ختم کی گئی ٹھیک اسی طرح ایودھیا میں منہدم بابری مسجد کی جگہ رام مندر بھی تعمیر کیا جائیگا، کشمیر سے آرٹیکل 370 کے خاتمے سے ہندوستان متحد ہوگیا ہے، اب رام مندر کی تعمیر سے مزید متحد ہوگا اور لوگ بہت جلد اس کی تعمیر دیکھیں گے، اس سے قبل اتر پردیش کے وزیر سنیل بھارالا نے کہا تھا کہ ایودھیا میں رام مندر وزیر اعلیٰ یوگی آدیتہ ناتھ کے دور میں ہی تعمیر ہوگا،انہوں نے کہا تھا کہ یوگی آدیتہ ناتھ ایک فیصلہ کن آدمی ہیں اور وہ اپنے ہاتھوں سے اس مندر کی بنیاد رکھیں گے،واضح رہے ہندوستانی سپریم کورٹ ایودھیا میں موجود متنازعہ زمین کے بارے میں الہٰ آباد ہائی کورٹ کے فیصلہ کے خلاف 14 درخواستوں کی سماعت کر رہا ہے،ہندو انتہا پسندوں نے سولہویں صدی میں تعمیر کی گئی بابری مسجد 6 دسمبر 1992 کو شہید کردی تھی۔
مہر


0
شیئر کیجئے:
फॉलो अस
नवीनतम