تل ابیب کے لیے اڑان بھرنے سے انکار پر پائلٹ نوکری سے برطرف

متحدہ عرب امارات کی ہوائی کمپنی امارات ائر کے لئے کام کرنے والے ایک تیونسی پائلٹ کے تل ابیب کے لئے ٹیک آف کرنے سے انکار کے بعد اُسے ملازمت سے معطل کردیا گيا ہے۔

ولایت پورٹل:الشارع المغربی نیوز ایجنسی کی رپورٹ کے مطابق اپنی ایک رپورٹ میں بتایا ہے کہ تل ابیب جانے سے انکار کرنے والے امارات ائر کے پائلٹ کو معطل کئے جانے کے بعد اسے حکم عدولی کا نوٹس جاری کردیا گیا ہے،مذکورہ پائلٹ کا کہنا ہے کہ وہ ضابطہ کی خلاف ورزی کی تحقیق کرنے والی کمیٹی کے سامنے پیش ہونے کے لئے تیار ہے،خیال رہے کہ متحدہ عرب امارات اور بحرین نے گزشتہ سال ستمبر کے وسط میں خودساختہ اسرائيلی حکومت کے ساتھ تعلقات بحال کرلئے تھے، جس کے بعد سوڈان اور مراکش نے بھی غاصب اسرائیلی حکومت کے ساتھ سفارتی تعلقات کو معمول لانے کا اعلان کیا تھا اور اس کے بعد سے ان ممالک نے غاصب صیہونی ٹولے اسرائیل کے ساتھ باضابطہ اور علانیہ طور پر دو طرفہ تعلقات کو معمول پر لانا شروع کر دیا ہے تاہم متحدہ عرب امارات اس کام کو دوسروں کی بنسبت خاص جوش و ولولے کے ساتھ انجام دے رہا ہے۔

سحر

0
شیئر کیجئے:
ہمیں فالو کریں
تازہ ترین