یوکرائن پر روس کے حملے کے بارے میں امریکی دعوؤ ں کے سلسلہ میں شمالی کوریا کا رد عمل

شمالی کوریا کی وزارت خارجہ نے اتوار کو ایک بیان میں کہا کہ مشرقی یورپ میں امریکی اور نیٹو کے اقدامات سے روس کی سلامتی کو خطرہ لاحق ہے، جب کہ واشنگٹن نے یوکرائن پر ممکنہ روسی حملے کے بارے میں جذباتی افواہوں کے ساتھ اپنے اقدامات کا جواز پیش کیا۔

ولایت پورٹل:شمالی کوریا کی وزارت خارجہ نے ایک بیان میں کہا کہ امریکہ سوویت یونین کے خاتمے کے بعد مشرقی یورپ میں میزائل دفاعی نظام کی تعیناتی اور روسی سرحد کے قریب نیٹو کی فوجی طاقت کا مظاہرہ کر کے ماسکو کے خلاف اپنے فوجی خطرے کو بتدریج تیز کر رہا ہے جبکہ سویت یونین نے نیٹو کو مشرق کی طرف پھیلانا جاری رکھاتھا۔
 شمالی کوریا نے ایک اور بیان میں کہا کہ امریکہ نے حال ہی میں "روسی حملے" کے بارے میں "جذباتی" افواہیں پھیلائیں اور مشرقی یورپ میں ہزاروں فوجی بھیجنے میں جلدی کی ، ان اقدامات کا اصل مقصد یوکرائن کے ارد گرد فوجی کشیدگی کو بتدریج بڑھانا اور روس پر قابو پانے کے لیے فوجی ہتھیاروں کی سپلائی کا جواز تلاش کرنا ہے۔
 نیٹو کو سرد جنگ کی پیداوار کے طور پر ذکر کرتے ہوئے، شمالی کوریا نے مزید کہا کہ یہ فوجی ادارہ جارحیت اور تسلط کے اہداف سے چلتا ہے، اور اس کی بقا اور توسیع کا مقصد بلاشبہ روس کے خلاف فوجی جبر ہےجبکہ روس اپنے مفادات اور سلامتی کے دفاع کے لیے پرعزم ہے۔

0
شیئر کیجئے:
ہمیں فالو کریں
تازہ ترین