Code : 2693 33 Hit

نیتن یاھو کی سعودی صحافی کو ویڈیو کال

صیہونی وزیر اعظم نے سعودی صحافی کے ساتھ ایک ویڈیو کال میں ان سے کہا کہ کاش وہ لیکوڈ پارٹی کے حق میں انتخاب لڑنا سکتے۔

ولایت پورٹل:القدس العربی ویب سائٹ کی رپورٹ کے مطابق اسرائیلی وزیر اعظم بنیامین نیتن یاھو نے جمعرات کو متنازعہ سعودی صحافی اور بلاگر محمد سعود کے ساتھ ویڈیو کال کی،رپورٹ کے مطابق نیتن یاہو نے لیکوڈ پارٹی کے داخلی انتخاب کے بعد اپنے انتخابی حلقہ سے سعودی صحافی  محمد سعود کے ساتھ ویڈیو کال کے دوران ان سے گرمجوشی اور دلی مبارکباد کے بعد بتایا ، ان کی خواہش ہے کہ کاش وہ لیکودڈپارٹی میں انتخابات میں شرکت کر کے انھیں ووٹ دے سکتے،یاد رہے کہ محمد سعود وہی شخص ہے جو گذشتہ جولائی میں عرب ممالک کے میڈیا وفد کے ساتھ مقبوضہ فلسطین  میں گیا تھا ، لیکن فلسطینیوں نے اسے ذلیل کرکے اور لعنت بھیج کر  مسجد  الاقصی کے صحن سے باہر نکال دیا،قابل ذکر ہے کہ اس شخص کے مقبوضہ فلسطین کے دورہ اور نیتن یاہو کے ساتھ ملاقات کے بعد فلسطینیوں کےدلوں میں سعودیوں کےلیے نفرت میں اضافہ ہوگیا یہاں تک کہ اب وہ اپنی شادیوں اور دیگر تقریبات میں بھی  سلمان بن عبد العزیز اور محمد بن سلمان پر لعن تعن کرتے ہیں،محمد سعود  اب تک  متعدد بارصیہونی حکومت کے ساتھ اپنی دوستی اور نیتن یاہو کی حمایت کا اظہار کرچکے ہیں،اس نے ایک بار اسرائیلی فوج کے ریڈیو کو بتایا کہ وہ مقبوضہ  فلسطین میں رہنے والے والے صہیونیوں کو اپنا کنبہ مانتا ہے،اگرچہ سعودی عرب اور صیہونی حکومت کے مابین باضابطہ تعلقات  نہیں ہیں  تاہم  حالیہ برسوں میں ریاض اور تل ابیب دونوں فریقوں  کے درمیان غیر سرکاری طور پر نزدیکی روابط دیکھنے کو ملے ہیں،واضح رہے کہ محمد سعود کی طرح بہت سارے دوسرے سعودی صحافی اسرائیل کے ساتھ تعلقات معمول پر لانے کے کا ا ظہار کرچکے ہیں۔


0
شیئر کیجئے:
फॉलो अस
नवीनतम