Code : 3524 13 Hit

محمد بن سلمان نے میرے اہل خانہ کے افراد کو اغوا کرلیا ہے:سعودی انٹیلی جنس عہدہ دار

سعودی انٹلیجنس کے عہدہ دار سعد الجبری نے سعودی ولی عہد شہزادہ محمد بن سلمان پر ان کے اہل خانہ کے افراد کو اغوا کرنے کا الزام عائد کیا ہے۔

ولایت پورٹل:برطانوی اخبار ٹائمز نے اپنی ایک رپورٹ میں لکھا ہے کہ سعودی انٹلیجنس کے ممتاز عہدیدار سعد الجبری نے محمد بن سلمان پر اپنے اہل خانہ کے افراد کو اغوا کرنے کا الزام عائد کیا ہے۔
رپورٹ کے مطابق سعودی انٹیلیجنس  کے اعلی عہدہ دار سعد الجبری  جنہوں نے مغرب میں دہشت گردی کے خلاف جنگ میں کوششوں کو مربوط کرنے میں کلیدی کردار ادا کیا ہے ، نے بتایا کہ سعودی عہدیداروں نے ان کےدو بچوں اور بھائی کو یرغمال بنا لیا ہے۔
الجبری سابق سعودی ولی عہد محمد بن نایف کے نائب تھے۔
مذکورہ مغربی اخبار نے مزید لکھا ہے کہ الجبری ، جو محمد بن نایف ولی عہدی سے ہٹائے جانےکے دوران سعودی عرب سے باہر تھے ، نے گرفتاری کے خوف سے سعودی عرب واپس نہ آنے کا فیصلہ کیا کیونکہ وہ انٹلیجنس کے رکن ہیں جو ملک کے تمام رازوں کو جانتے ہیں۔
الجبری کا کہنا ہے  کہ سعودی سکیورٹی فورسز  کے 50 اہلکاروں نے 20 گاڑیوں کے ساتھ ریاض میں ان کے گھر پر چھاپے  کے دوران ان کے21 سالہ بیٹے عمر اور 20 سالہ بیٹی سارہ کو گرفتار کر لیا ہے۔
کینیڈا میں کام کرنے والے اور اپنے والد کے ساتھ رہائش پذیر ، سعد الجبری کے بڑے بیٹے خالد الجبری نے بتایا کہ چند ہفتے ہوئے ہیں کہ ہمارے بہن بھائی کو اغوا کیا گیا  اور ہم نہیں جانتے کہ وہ کہاں ہیں نیز  ہم  یہ بھی نہیں جانتے کہ وہ زندہ یا مردہ ہیں۔
 ٹائمز نے مزید لکھا ہے کہ الجبری کے ساٹھ سالہ بھائی جو یونیورسٹی کے پروفیسر بھی ہیں، کو بھی گرفتار کیا گیا ہے۔


0
شیئر کیجئے:
ہمیں فالو کریں
تازہ ترین