ایرانی بری فوج کا ممکنہ خطرات کا مقابلہ کرنے لیے فوجی مشقوں کا آغاز

اسلامی جمہوریہ ایران کی بری فوج نے ممکنہ خطرات کا مقابلہ کرنے کے لئے اقتدار 99 نام سےفوجی مشقیں آج سے شروع کی ہیں۔

اسلامی جمہوری ایران کی بری فوج کی اقتدار 99 فوجی مشقیں منگل سے مکران کے ساحلوں پر شروع ہوئی ہیں اور اس میں ایئر بورن بریگیڈ ، اسپیشل فورس اور ریپڈ ایکشن فورس کی یونٹوں نے حصہ لیا ہے ، مکران کے ساحلوں پر ہونے والی ان فوجی مشقوں کو اسلامی جمہوریہ ایران کی فضائیہ کا تعاون حاصل ہے ۔
ان فوجی مشقوں کا مقصد، خطرات کا مقابلہ کرنے کے لئے اسلامی جمہوریہ ایران کی بری فوج  کی دفاعی توانائیوں کو آزمانا اور فوجی یونٹوں کی چھاؤنیوں سے آپریشنل علاقوں میں منتقلی کے منصوبوں پر عمل درآمد کرنا ہے،ان فوجی مشقوں کے دوران بری فوج کی ٹیکنیکل فورس کی کثیرالجانبہ مہارتوں کا جائزہ لینے کے لئے مختلف قسم کی مقامی تخلیقی تکنیک کا عملی تجربہ کیا جائےگا ،اس سے قبل  بدھ کو اسلامی جمہوریہ ایران کی بحریہ نے بھی شمالی بحر ہند اور مکران کے ساحلوں میں اقتدار 99 نامی فوجی مشقیں انجام دی تھیں۔
سحر

0
شیئر کیجئے:
ہمیں فالو کریں
تازہ ترین