Code : 3750 11 Hit

صیہونی دشمن کے ساتھ تعلقات کو معمول پر لانا جرم اور حماقت ہے:حماس

فلسطینی تحریک حماس کے ترجمان نے صیہونی دشمن کے ساتھ تعلقات معمول پر لانے کو جرم اور سیاسی حماقت قرار دیا۔

ولایت پورٹل:حماس کے ترجمان حازم قاسم نے المیادین نیوز ایجنسی کو دیے جانے والے ایک انٹرویو میں کہا کہ صہیونی دشمن کے ساتھ تعلقات کو معمول پر لانا ہماری قوم کے خلاف جرم ہے  اور جو عرب ایسا کررہے ہیں وہ سیاسی حماقت کررہے ہیں۔
انہوں نے مزید کہاکہ تعلقات کو معمول پر لانے سے ہماری قومی سلامتی کو نقصان پہنچا ہے اور یہ عرب کے قوانین اور ہماری تاریخی بنیادوں کے منافی ہے۔
حازم قاسم نے کہا کہ تعلقات کو معمول پر لانے کے لئے کسی بھی اقدام سے اسرائیلی کابینہ اور امریکی حکومت کی حوصلہ افزائی ہوگی کہ وہ مغربی کنارے کے حصوں کو مقبوضہ علاقوں میں الحاق کرنے کے منصوبے اور فلسطین اور عرب دنیا میں قبضے کو وسعت دیں گے۔
حماس تحریک کے ترجمان نے نوٹ کیا کہ تعلقات کو معمول پر لانے کا خطرہ ایک نوآبادیاتی منصوبہ کے وجود میں پوشیدہ ہےاوراس منصوبے میں عرب جماعتوں کی موجودگی بہت خطرناک ہے۔
انہوں نے مزید کہاکہ قابضین نے اپنی ناکامیوں کی تلافی کے لئے ہماری قوم کے حاشیے میں کچھ لوگوں کے تعاون سے تعلقات کو معمول پر لانے کو ایک آسان طریقہ کے طور پر استعمال کیا ہے۔
 


0
شیئر کیجئے:
ہمیں فالو کریں
تازہ ترین