Code : 3515 13 Hit

ایرانی تیل بردار جہازوں نے وینزویلا پہنچ کر ٹرمپ کی ناک رگڑ دی:رای الیوم

انٹر ریجنل اخبار رای الیوم وینزویلا میں تیل کی مصنوعات بھیجنے کے ایران کے شجاعانہ اقدام کی تعریف کرتے ہوئے اسے امریکی تکبر کی سب سے بڑی شکست قرار دیا ہے۔

ولایت پورٹل:انٹر ریجنل اخبار رای الیوم کی رپورٹ کے مطابق وینزویلا میں پیٹرول کی فراہمی کی مشکلات کی وجہ سے  ایران نے پانچ ٹینکر اس ملک بھیجے جن میں سے فارچیون نامی ایک ایرانی آئل ٹینکر  اتوار (کل) کو وینزویلا کے خصوصی اقتصادی زون میں داخل ہوا۔
واضح رہے کہ ٹینکر وینزویلا پہنچے سے قبل  امریکی حکومت کے ایک سینئر عہدیدار نے ایک بیان میں کہا ہے کہ واشنگٹن ایران سے وینزویلا میں پٹرول کی منتقلی کے جواب میں مناسب اقدامات پر غور کر رہا ہے۔
اس بیان کے بعد امریکہ کی جانب سے کیریبین میں ایران کے ایندھن کی ترسیل کو وینزویلا لے جانے والے بحری جہاز کو روکنے کی کوشش کی گئی  جس پر ایران کی طرف سے رد عمل کا اظہار کیا گیا۔
اس سلسلے میں  ایران کے وزیر خارجہ ظریف نے اقوام متحدہ کے سکریٹری جنرل کو ایک انتباہی خط لکھا اور نائب وزیر خارجہ سید عباس عراقچی نے تہران میں امریکی مفادات کے محافظ سوئس سفیر کو وزارت خارجہ طلب کیا۔
ایران نے متنبہ کیا ہے کہ ایرانی آئل ٹینکروں کو کسی بھی  قسم کاخطرہ ہونے پر تہران کی جانب سے فوری اور فیصلہ کن ردعمل کا سامنا کرنا پڑے گا  اور اس کے نتائج کی امریکی حکومت ذمہ دار ہوگی۔
رای الیوم نے مزید لکھا ہے کہ  ہمیں نہیں معلوم کہ امریکی صدرڈونلڈ ٹرمپ جو وینزویلا کی بندرگاہ پر پہنچنے والے پہلے ایرانی ٹینکر کے تعاقب کررہے تھے اب کیسا محسوس کررہے ہیں۔
مذکورہ اخبار نےلکھا  ہے کہ یہ ان کی دھمکیوں اور وینزویلا پر لگائے جانے والے سفاک محاصرے کی شکست کے لیےایک سخت چیلنج ہے لیکن ہم بخوبی جانتے ہیں کہ ٹرمپ اس وقت اپنے آپ کو  ایک ناکام اور ذلیل ہونے والےآدمی کی طرح محسوس کررہے ہیں۔
 

0
شیئر کیجئے:
ہمیں فالو کریں
تازہ ترین