ایران کے نئے صدر کی حلف برداری کی تقریب کی عالمی میڈیا میں گونج

دنیا بھر کے مختلف ذرائع ابلاغ نے بڑے پیمانے پر آج منگل کو منعقد  ہونے والی اسلامی جمہوریہ ایران کے صدر کی حلف برداری کی تقریب  کو کوریج دی ۔

ولایت پورٹل:دنیا بھر کے مختلف ذرائع ابلاغ نے آج منگل کو منعقد  ہونے والی اسلامی جمہوریہ ایران کے صدر کی حلف برداری کی تقریب  کو بڑے پیمانے پر کوریج دی جس میں لبنانی المنار چینل نے اسلامی جمہوریہ ایران کے صدر کی حلف برداری کی تقریب کےکچھ حصے براہ راست نشر کیے اور اعلان کیاکہ  ایران کے اسلامی انقلاب کے سپریم لیڈر نے تقریب میں تقریر کی اور آئندہ حکومت کے اہم مشن پر زور دیا ۔
 دوسری جانب لبنانی چینل المیادین نے اسلامی جمہوریہ ایران کے صدر کی حلف برداری کی تقریب کو نشر کرتے ہوئے رہبرمعظم کے حوالے سے کہاکہ  نئی حکومت کی تشکیل میں تاخیر نہیں ہونی چاہیےجبکہ انتخابات کے بائیکاٹ کی سازش اسلامی جمہوریہ کے دشمنوں کے پالیسی حلقوں میں تیار کی گئی تھی۔
 دریں اثنا ، روس ٹوڈے نے رہبر معظم کی تقریر کے اقتباسات نشر کیےجس میں انھوں نے کہا کہ اقتدار کی منتقلی پر امید ہے ،چینل نے سپریم لیڈر کے حوالے سے کہاکہ  یکے بعد دیگرے حکومتوں نے سیاسی رجحانات کے ساتھ اقتدار حاصل کیا جو تنوع کی عکاسی کرتا ہے  اور یہ تنوع انتخابات کی آزادی اور سالمیت کی عکاسی کرتا ہے۔
صہیونی اخبار یروشلم پوسٹ نے رہبرمعظم  آیت اللہ العظمی سید علی خامنہ ای کی طرف سے سید ابراہیم رئیسی کی صدارت کی توثیق کا عنوان لگاتے ہوئے لکھاکہ  ایران کے نئے صدر ایسے اقدامات کریں گے جو ایران کے خلاف جابرانہ پابندیاں اٹھانے کا باعث بنیں گے، صیہونی اخبار نے ایرانی صدر کے حوالے سے یہ بھی کہا کہ اسلامی ایران کو کرونا وائرس کے پھیلنے کی وجہ سے معاشی اور صحت دونوں شعبوں میں بحران سے بچانے کے لیے ایک جامع منصوبہ پیش کیا گیا ہے۔
بی بی سی نےبھی آیت اللہ خامنہ ای کے ہاتھوں کو ابراہیم رئیسی کی تقرری  کی سرخی لگاتے ہوئے ابراہیم رئیسیکے حوالہ سے کہا کہ انھوں نے کہا کہ لوگوں کے اعتماد کو نقصان پہنچایا ہے ، بی بی سی نے رہبر معظم کی تقریر کے اقتباسات پر توجہ مرکوز کیں ، جس میں انہوں نے ابراہیم رئیسی کو "ایک مشہور شخصیت" ، "جہادی انتظام کے شاندار ریکارڈ کے ساتھ" اور "ایک عقلمند آدمی" کہا۔
 چائنا ورلڈ ٹیلی ویژن کی CGTN ویب سائٹ نےبھی  ایک مختصر خبر میں سید ابراہیم رئیسی کی حلف برداری کی تقریب کو کوریج دیتے ہوئے کہا انھوں نے امریکی پابندیاں اٹھانے کے اپنے عزم کا ذکر کیا۔


0
شیئر کیجئے:
ہمیں فالو کریں
تازہ ترین