Code : 4121 10 Hit

ایران میں غیر ملکی خفیہ ایجنسیوں سے وابستہ متعدد جاسوس عناصر گرفتار

اسلامی جمہوریہ ایران کی انٹیلیجنس ادارے کے ڈپٹی ڈائریکٹر نے اعلان کیا ہے کہ ایرانی انٹیلیجنس نے پانچ جاسوس ٹیموں کو گرفتار کرلیا ہے۔

ولایت پورٹل:اسلامی جمہوریہ ایران کی انٹیلیجنس ادارے کے ڈپٹی ڈائریکٹر نے اعلان کیا ہے کہ ایرانی انٹیلیجنس نے پانچ جاسوس ٹیموں کو گرفتار کرلیا ہے،ایرانی انٹیلیجنس ادارے کے ڈپٹی ڈائریکٹر نے کہا کہ اللہ تعالی کے فضل و کرم سے امام زمانہ (عج) کے گمنام سپاہیوں نے دن رات کی تلاش و کوشش اور انتھک محنت کے ذریعہ دشمن کے جاسوسی نیٹ ورک پر کاری ضرب وارد کرتے ہوئے پانچ جاسوس ٹیموں سے منسلک افراد کو گرفتار کرلیا ہے، انھوں نے کہا کہ غیر ملکی خفیہ ایجنسیوں سے منسلک افراد بڑے پیچیدہ اور گوناگوں طریقہ سے ایران کے سیاسی، اقتصادی نظام اور ایران کے مختلف شعبوں منجملہ  ایٹمی پروگرامز کے متعلق اطلاعات جمع کرکے باہر ارسال کرنے کی کوشش کررہے تھے جنھیں بر وقت کارروائی کرتے ہوئے گرفتار کرلیا گیا ہے، انھوں نے کہا کہ گرفتار ہونے والے جاسوسوں میں امریکی خفیہ ایجنسی سی آئی اے، اسرائیل کی خفیہ ایجنسی موساد اور بعض یورپی ممالک کی خفیہ ایجنسیوں سے وابستہ افراد شامل ہیں۔ انھوں نے سادہ لوح ایرانی شہریوں کو متنبہ کرتے ہوئے کہا کہ وہ غیر ملکی خفیہ ایجنسیوں کے جال میں گرفتار ہونے سے اجتناب کریں۔

مہر



0
شیئر کیجئے:
ہمیں فالو کریں
تازہ ترین