Code : 2363 51 Hit

مظاہروں کے بہانے عراق میں خانہ جنگی کروانے کی سازش

عراق کے پارلیمانی دھڑے صادقون نے اس ملک میں امن کی فضا قائم کرنے اور مظاہرین کے قانونی مطالبات کو پورا کرنے پر زور دیتے ہوئے کہا ہے کہ ملک کو خانہ جنگی سے بچانا ہوگا ۔

ولایت پورٹل:عراق کے پارلیمانی دھڑے صادقون کے نمائندے سعد الخزعلی نے انتباہ دیا ہے اس ملک میں اصلاحات اور مظاہروں کے بہانے خانہ جنگی  ایجاد کرنے کی کوشش کی جارہی ہے انہوں نے المعلومہ نیوز ایجنسی کو دیے جانے والے انٹرویو میں کہا کہ عراق میں خانہ جنگی اور شیعوں  کو آپس میں لڑانے کی کوشش کی جارہی ہے جس میں بیرونی ممالک کا بہت بڑا ہاتھ ہے جو مالی امداد بھی فراہم کر رہے ہیں،عصائب اہل الحق سے وابستہ صادقون پارلیمانی دھڑے نے کہا ہے کہ ہم عراق میں امن قائم کرنے میں اور مظاہرین کے جائز مطالبات کو پورا کرنے کا مطالبہ کرتے ہیں تاکہ بیرونی ممالک کی سازشوں کو ناکام بنایا جاسکے، قابل ذکر ہے کہ اس سے پہلے مطلع ذرائع نے انتباہ دیا تھا کہ عراق میںآ شوپ برپا کیا جارہا ہے جس میں بعض ریاستوں میں بغاوت کی بو آرہی ہے اس کے پیچھے امریکہ متحدہ عرب امارات، سعودی عرب اور کردستان کے بعض عناصر کا ہاتھ ہے۔


0
شیئر کیجئے:
फॉलो अस
नवीनतम