Code : 2546 27 Hit

معصومہ ٔقم سلام اللہ کی رحلت کی مناسبت سے قم میں عزاداری کا سلسلہ جاری

اسلامی جمہوریہ ایران میں کریمہ اہلبیت حضرت فاطمہ معصومہ سلام اللہ کی رحلت کی مناسبت سے عزاداری کا سلسلہ جاری ہے ۔

ولایت پورٹل:قم المقدسہ میں جہاں حضرت معصومہ سلام اللہ علیھا کا روضہ واقع ہے، جگہ جگہ سیاہ پرچم اور بینر نصب ہیں اور شہر کے مختلف علاقوں کے جلوس ہائے عزا برآمد کیے جا ر ہے ہیں،حضرت فاطمہ معصومہ سلام اللہ علیہا حضرت امام موسی کاظم علیہ السلام کی سب سے بڑی اور سب سے ممتاز صاحبزادی اور امام علی ابن موسی الرضا علیہ السلام کی خواہر گرامی ہیں،آپ کا نام فاطمہ اور سب سے مشہور لقب معصومہ تھا، یہ لقب انہیں امام ھشتم حضرت علی رضا علیہ السلام نے عطا فرمایا تھا۔ آپ کی آفاقی شخصیت، بے پناہ فضائل و کمالات کی مظہر تھیں ،حضرت فاطمہ معصومہ سلام اللہ علیھا نے دس ربیع الثانی سن دو سو ایک ہجری قمری کو ایران کے شہر قم میں وفات پائی اور اسی شہر میں آپ کو سپرد لحد کیا گیا,ممتازعالم دین شیخ عباس قمی اس بارے میں لکھتے ہیں: حضرت امام موسی کاظم علیہ السلام کی صاحبزادیوں میں سب سے بافضیلت سیدہ جلیلہ معظمہ فاطمہ بنت امام موسی کاظم علیہ السلام تھیں جو معصومہ کے نام سے مشہور تھیں ۔

0
شیئر کیجئے:
ہمیں فالو کریں
تازہ ترین