Code : 3571 8 Hit

مغربی پٹی کو الحان کرؤ گے تو ہر فلسطینی ایک بم بن جائے گا؛فلسطینی اتھارٹی کا صیہونی حکام کو انتباہ

فلسطینی اتھارٹی کے سربراہ کے مشیر نے تل ابیب کو صیہونی حکومت کے مغربی پٹی پر قبضے کے فیصلے کے نتائج کے بارے میں متنبہ کیا۔

ولایت پورٹل:صیہونی چینل کان کے ایک تجزیہ کار گیل برگر کاکہنا ہے فلسطینی اتھارٹی کے صدر محمود عباس کے مشیر ، محمود الہباش نے کہا کہ صہیونی حکومت کا مغربی کنارے میں مزید علاقے پر قبضہ کرنے کا ارادہ "تشدد کی بے مثال لہر" کا باعث بنے گا۔
صیہونی  تجزیہ کار نے مزید کہا کہ صیہونی سکیورٹی فورسز فلسطینیوں اور اسرائیل کے مابین تنازعہ کو روکنے کے لئے کام نہیں کررہی ہیں ، یہ ہمارے قابو سے باہر ہے اور ہم فلسطینی علاقوں میں اسرائیلی پولیس نہیں بنیں گے۔
عباس کے مشیر نے مزید کہا کہ آپ فلسطینیوں میں تناؤ کی حد سے آگاہ نہیں ہیں،اگر اسرائیل مغربی پٹی کو شامل کرتاہے تو  ہر گھر میں ہر فلسطینی لڑکا یا لڑکی بارود کا انبار بن سکتا ہے۔
انھوں نے کہا کہ جب کوئی شخص امید کا دامن کھو دیتا ہے ہے تو وہ ایک بم بن جاتا ہے۔
الہباش نے کہا کہ الحاق کے بعد جو کچھ ہوگا اس کے مقابلہ میں 1917 کے بعد سے ہونے والی تمام پرتشدد کارروائیاں صرف ایک مذاق لگیں گی۔
انھوں نے کہا کہ ہم دھمکی نہیں دے رہے ہیں ، بلکہ یہ حقیقت ہے، نیتن یاھو نے یہ فیصلہ کرکے تشدد کے تمام دروازے کھول دیے ہیں۔
فلسطینی عہدہ دار نے مزید کہا کہ آپ کو ہر چیز کا اندازہ لگانا ہوگا ، اس خطے میں ایک بے مثال لہر نظر آئے گی جس کے  نتائج کے لئے اسرائیل ذمہ دار ہے ، اسرائیلی فریق کو سلامتی ، صحت ، تعلیم اور تنخواہوں کی ادائیگی کی پوری ذمہ داری قبول کرنی ہوگی۔


 
 
 

0
شیئر کیجئے:
ہمیں فالو کریں
تازہ ترین