عراق کے صوبہ صلاح الدین میں داعش کا خفیہ ٹھکاہ تباہ

عراقی سکیورٹی انفارمیشن یونٹ نے آج اعلان کیا کہ عراقی فضائیہ نے اس ملک کےصوبہ صلاح الدین کے طوز خورماتو علاقہ میں داعش دہشت گرد گروہ سے تعلق رکھنے والی ایک غار اور سرنگ کو تباہ کر دیا۔

ولایت پورٹل:عراقی خبر رساں ایجنسی وا ع نےعراقی سکیورٹی انفارمیشن یونٹ کے حوالے سے اطلاع دی کہ عراقی فضائیہ نے طوز خورماتو میں داعش دہشت گرد گروہ سے تعلق رکھنے والی ایک غار اور سرنگ کو تباہ کر دیا، یونٹ نے ایک بیان میں کہاکہ عراقی جوائنٹ آپریشنز کمانڈ کی نگرانی میں عراقی F-16 لڑاکا طیاروں نے طوز خورماتو میں ایک آپریشن کے دوران داعش کے ٹھکانوں پر تین فضائی حملے کیے، اس کارروائی میں داعش دہشت گرد گروہ کے ارکان کے زیر استعمال غار اور سرنگ کو تباہ کر دیا گیا۔
  قابل ذکر ہے کہ عراقی سکیورٹی فورسز پورے ملک میں داعش کی باقیات کی تلاش، صفایا اور تعاقب جاری رکھے ہوئے ہیں تاکہ اس بات کو یقینی بنایا جا سکے کہ داعش اور اس کے فراری عناصر دوبارہ واپس آنے کی کوشش نہ کریں۔

0
شیئر کیجئے:
ہمیں فالو کریں
تازہ ترین