Code : 3488 14 Hit

حزب اللہ کو غیر مسلح کرنے کی ضرورت ہے:امریکہ کا اقوام متحدہ سے مطالبہ

اقوام متحدہ میں امریکی مندوب نے اقوام متحدہ سے حزب اللہ کو غیر مسلح کرنے کا مطالبہ کرتے ہوئے لبنان اور مقبوضہ فلسطین کی سرحد پر UNIFIL کی افواج کو مضبوط بنانے کی ضرورت پر زور دیا ہے۔

ولایت پورٹل:یروشلم پوسٹ کی رپورٹ کے مطابق اقوام متحدہ میں امریکی نمائندہ کیلی کرافٹ نے آج سلامتی کونسل سے حزب اللہ مزاحمتی تحریک کو غیر مسلح کرنے کا مطالبہ کیا۔
کرافٹ نے1559 کی قرارداد پر اقوام متحدہ کی سلامتی کونسل کے ایک غیر اعلانیہ اجلاس کے دوران ، یونیفیل" کے نام سے جانی جانے والی لبنان میں مقیم اقوام متحدہ کی سلامتی  افواج کے کردار کو مستحکم کرنے پر زور دیا تاکہ وہ حزب اللہ کی سرگرمیوں پر نظر رکھ کرسکیں۔
انہوں نے کہا  کہ امریکہ کو لبنانی حکومت کے قابو سے باہر مسلح ملیشیاؤں کے جاری آپریشن ، ایران اور شام سے اسلحہ حزب اللہ کو بھیجنے کے ساتھ ساتھ لبنان میں دیگر غیر سرکاری کارکنوں پر گہری تشویش میں ہے۔
اقوام متحدہ میں امریکی نمائندہ نے مزید کہا کہ ہم سلامتی کونسل کے ممبروں سے ہتھیاروں کی سنگین پابندیوں پر عمل درآمد کرنے کی اپیل کرتے ہیں۔
کرفٹ نے کہا کہ لبنان اور مقبوضہ فلسطین کی سرحد پر UNIFIL کی موجودگی کو نافذ کرنے میں اقوام متحدہ کی لاپرواہی پر تنقید کرتے ہوئے کہا کہ ایک بار پھر ، لبنانی اور غیر لبنانی عسکریت پسندوں کو ختم کرنے اور ان کو غیر مسلح کرنے میں کوئی خاص پیشرفت نہیں ہوئی ہے۔
انھوں نے کہا کہ 2004 میں 1559 کی قرارداد کے بعد  اس اہم مسئلے کو حل کرنے کے لئے کوئی ٹھوس اقدامات نہیں اٹھائے گئے ہیں۔
کرافٹ نے لبنان میں حزب اللہ کے قانونی جواز پر سوال اٹھاتے ہوئے سلامتی کونسل سے مطالبہ کیا کہ وہ UNIFIL فورسز کے بلا تعطل آپریشن کو یقینی بنائے۔


 

0
شیئر کیجئے:
फॉलो अस
नवीनतम