Code : 3539 34 Hit

گوگل،فیس بک اور یوٹیوب نہایت چالاکی سے امریکہ مخالف آوازوں کو دبا دیتےہیں:روس

سلامتی کونسل اور یورپی تعاون کونسل میں روس کے نمائندہ کا کہنا ہے کہ وشنگٹن کے زیر نظر سوشل میڈیاامریکی کی ناپسند آوازوں کو نہایت ہی چالاکی سےسنسر کردیتا ہے۔

ولایت پورٹل:تاس نیوز ایجنسی کی رپورٹ کے مطابق اقوام متحدہ کی سلامتی کونسل اور یورپی تعاون کونسل میں روس کے مندوب الیگزینڈر لوکاشیچ نے گذشتہ رات تنظیم کی مستقل کمیٹی کے ممبروں کے ساتھ ایک آن لائن ملاقات کے دوران فیس بک ، یوٹیوب اور گوگل پر بڑے پیمانے پر میڈیا آؤٹ لیٹس کو سنسر کرنے کا الزام عائد کیا ہے۔
انہوں نے کہا کہ مغربی سوشل میڈیا آزادی اظہار سے 'ناخوشگوار ذرائع ابلاغ' کی طرف منتقل ہوچکا ہے۔
لوکاشیویچ نے مزید کہا کہ جب فیس بک ، یوٹیوب اور گوگل نے سائبر اسپیس میں داخل ہوکر پیروکاروں کو راغب کیا تو یہ تصور کرنا مشکل تھا کہ برسوں بعد یہ کمپنیاں آزادی اظہار رائے سے معلومات کے بہاؤ کے سخت نظام اور ناخوشگوار میڈیا کی سنسرشپ کی طرف منتقل ہوجائیں گی۔
انہوں نے یاد دلایا کہ یوٹیوب  جسے امریکی حکومت کے ذریعہ دو طریقوں سے کنٹرول کیا جاتا ہے ، نے حال ہی میں جزیرہ نما  کریمہ  کےٹی وی اور روسی زبان کی دو نیوز ایجنسیوں کو حذف کردیا ہے۔
انھوں نے کہا کہ یہ اقدام  پیشگی اطلاع کے بغیر اور وضاحت کے بغیر کیا گیا تھا جس کے تحت اچانک  ہزاروں فالورز کو ایسی ویڈیوز تک رسائی سے روک دیا گیا جو لاکھوں بار دیکھی جا چکی ہیں۔
لوکاشیویچ کے مطابق جمہوریت اور اظہار رائے کی آزادی کے خوبصورت نعروں کے تحت  ریاستہائے متحدہ میں واشنگٹن حکومت کے زیر کنٹرول پلیٹ فارم کے ذریعہ معلوماتی جگہ کی منظم صفائی کی جارہی ہے  اور یہ امریکی جمہوریت کا انداز ہے۔
 



0
شیئر کیجئے:
ہمیں فالو کریں
تازہ ترین