جنرل قاسم سلیمانی نے ہمارے ملک کو داعش سے بچایا: عراقی اہلسنت عالم دین

عراق کے ایک اہلسنت عالم دین کا کہنا ہے کہ جنرل قاسم سلیمانی نے ہمارے ملک کو داعش سے بچایا اور ہماری عزت کا دفاع کیا۔

ولایت پورٹل:عراقی وفاق علمائے اہل سنت کے سربراہ شیخ خالد عبدالوہاب الملانے سنیچر کو اس ملک کے دار الحکومت بغداد میں ملین مارچ کے شرکاء سے خطاب میں داعش پر کامیابی میں عراقی علما  کے فتوے کے کردار، شہداء کے خون اور اسلامی جمہوریہ ایران کی مدد کی جانب اشارہ کیا۔
انہوں نے سپاہ قدس کے کمانڈر جنرل قاسم سلیمانی اور الحشد الشعبی کے ڈپٹی کمانڈر مہدی المہندس کی شہادت کی دوسری برسی کے موقع پر کہا کہ شہید جنرل قاسم سلیمانی اور ابو مہدی المہندس نے مادر وطن اور عزت نفس کا دفاع کیا،ان کا کہنا تھا کہ عراقی ،علما کے فتوے، شہداء کے خون اور اسلامی جمہوریہ ایران کی مدد کی بدولت داعش پر کامیاب ہوئے۔
انہوں نے مزاحمت اور الحشد الشعبی کے کمانڈروں سے خطاب کرتے ہوئےکہا کہ آپ لوگوں کو فتح کے کمانڈروں کا خلا بھرنا ہے،دوسری جانب الحشد الشعبی میں بابلیون بریگیڈ کے کمانڈر ریان الکلدانی کا کہنا تھا کہ شہید سلیمانی سیاسی اور فوجی لحاظ سے ہر میدان میں موجود ہيں، یہ ہمارا وقت ہے۔
انہوں نے کہا کہ عراق سے امریکی فوجیوں کا انخلا پرامن طریقے سے ہوگا یا جنگ سے، انہوں نے کہا کہ ان کمانڈروں نے ہم میں جان پھونکی اور آج کا چیلنج اتحاد کی حفاظت کرنا ہے۔
الحشد الشعبی کے کمانڈر کا کہنا تھا کہ کچھ ممالک کی جانب سے رضاکار فورس کے خلاف سازشیں ہوئیں اور اس سازشوں کے خلاف ملک کے ساتھ جنرل قاسم سلیمانی اور جنرل ابو مہدی المہندس کھڑے نظر آئے۔

0
شیئر کیجئے:
ہمیں فالو کریں
تازہ ترین