یمنی دولت لوٹنے والی غیر ملکی کمپنیاں عبدالملک الحوثی کے انتباہات کو سنجیدہ لیں:انصاراللہ

یمن کی انصاراللہ تحریک کے ایک اعلیٰ عہدیدار نے پیر کی شب یمن کی دولت کو لوٹنے والی غیر ملکی کمپنیوں سے مطالبہ کیا ہے کہ وہ تحریک انصاراللہ کے سربراہ عبدالملک بدرالدین الحوثی کے انتباہ کو سنجیدگی سے لیں۔

ولایت پورٹل:یمنی مسلح افواج کے ترجمان جنرل یحییٰ سریع نے ٹویٹر کے اپنے ذاتی صفحے پر لکھا کہ ہم یمن کی دولت کو لوٹنے والی غیر ملکی کمپنیوں سے کہتے ہیں کہ وہ یمن کی تحریک انصاراللہ کے رہنما عبدالملک بدر الدین الحوثی کے انتباہ کو سنجیدگی سے لیں۔
واضح رہے کہ یمن کی انصاراللہ کے سربراہ نے چھ روز قبل جارح اتحاد کی ساتھی غیر ملکی کمپنیوں کی لوٹ مار کے خلاف خبردار کیا تھا، یمن کی سپریم پولیٹیکل کونسل کے سربراہ نے کہا کہ یمنی عوام اپنی دولت کی لوٹ مار کے بارے میں کبھی خاموش نہیں رہیں گے جو بیرون ملک کے  کرائے کے فوجیوں کی کمپنیوں اور جائیدادوں میں تبدیل ہو گئی ہے۔
درایں اثنا صنعاء حکومت کے نائب وزیر تیل یاسر الوحیدی نے بھی اس بات پر زور دیا کہ یمنی قوم کی دولت کی منظم لوٹ مار جاری ہے،الوحیدی کا بیان یمن میں امریکی سفیر اسٹیون فیگین کے تیل کی دولت سے مالا مال جنوبی یمن کے صوبوں کا دورہ کرنے کے بعد سامنے آیا ہے۔

0
شیئر کیجئے:
ہمیں فالو کریں
تازہ ترین