Code : 2872 29 Hit

دہشتگردی کا مخالف ہر انسان جنرل سلیمانی کے خون کا بدلہ چاہتا ہے:قدس فورس کے نئے کمانڈر

قدس فورس کے نئے کمانڈر جنرل اسما‏عیل قاآنی نے کہا ہے کہ جنرل قاسم سلیمانی کی شہادت سے قدس فورس کی پالیسیوں میں کوئی تبدیلی نہیں آئے گی بلکہ ہم پوری قوت سے آگے قدم بڑھائیں گے۔

ولایت پورٹل:قدس فورس کے کمانڈر کی حثیت سے اپنے عہدے کا باضابطہ چارج سنبھالنے کے بعد ایک تقریب سے خطاب کرتے ہوئے بریگیڈیئر جنرل اسما‏عیل قاآنی کا کہنا تھا دشمن نے بزدلانہ حملہ کرکے جنرل قاسم سلیمانی کو شہید کیا ہے کیونکہ میدان جنگ میں ان کا مقابلہ کرنے کی اس میں جرائت نہیں تھی،برگیڈیئر جنرل اسما‏عیل قاآنی نے واضح کیا کہ جنرل قاسم سلیمانی کی شہادت سے قدس فورس کی پالیسیوں میں کوئی تبدیلی نہیں آئے گی بلکہ ہم پوری قوت سے آگے قدم بڑھائیں گے،انہوں نے امریکہ کو شرارت، دشمنی اور خباثت کا محور قرار دیتے ہوئے کہا کہ ایران کے دشمن صرف طاقت کی زبان سمجھتے ہیں اور ہم اسی زبان میں ان کو جواب دیں گےقدس فورس کے کمانڈر نے اپنے پیشرو شہید قاسم سلیمانی کی خدمات کو زبردست الفاظ میں خراج تحسین پیش کرتے ہوئے کہا کہ انہوں نے برسوں کی مجاہدت اور دین اسلام کی خدمت کے دوران جام شہادت نوش کیا،اس موقع پر جنرل اسماعیل قاآنی کو باضابطہ طور پر قدس فورس کی کمانڈ سونپی گئی اور اس فورس کا نشان عطا کیا گیا،علاوہ ازیں سپاہ پاسداران انقلاب اسلامی کے سربراہ کی جانب سے جاری کیے جانے والے ایک حکم نامے کے تحت جنرل سید محمد حجازی کو قدس فورس کا نیا ڈپٹی کمانڈر مقرر کیا گیا ہے جو جنرل اسماعیل قاآنی کی جگہ یہ عہدہ سنبھالیں گے۔
تسنیم

0
شیئر کیجئے:
ہمیں فالو کریں
تازہ ترین