کابل میں امریکہ کے خلاف مظاہرہ

افغانستان کے دارالحکومت کابل میں امریکہ کے خلاف مظاہرہ کیا گیا جہاں مظاہرین نے امریکی پرچم کو نذر آتش کیا۔

ولایت پورٹل:افغان خبر رساں ایجنسی آوا  کی رپورٹ کے مطابق افغانستان کے دارالحکومت کابل میں مظاہرین نے امریکی ڈرون حملے کے خلاف احتجاجی مظاہرہ کرتے ہوئے کہا کہ جارحیت کے خلاف صدائے احتجاج بلند کرتے رہیں گے، کابل کے عوام نے احتجاجی مظاہرے کے دوران مردہ باد امریکہ اور مردہ باد غاصب کے فلک شگاف نعرے لگاتے ہوئے امریکہ کے پرچم کو پاؤں تلے روندا اور پھر اسے آگ لگا دی۔
مظاہرین کا کہنا تھا کہ امریکی صدر جو بائیڈن  کا بیان حقیقت سے عاری ہے اور ان کا القاعدہ کے سرغنہ ایمن الظواهری کو نشانہ بنانے سے متعلق بیان ایک دعوے کے علاوہ کچھ بھی نہیں ہے جبکہ اب تک امریکہ نے اپنے دعوے کو ثابت کرنے کیلئے کسی بھی قسم کا کوئی ثبوت پیش نہیں کیا ہے اور ڈی این اے ٹیسٹ کے ذریعہ بھی تصدیق کرنے سے انکار کر دیا ہے کہ اس کی کوئی ضرورت نہیں۔
واضح رہے کہ گزشتہ ہفتے اتوار کے روز امریکی صدر جوبایڈن نے یہ دعویٰ کیا تھا کہ کابل کے علاقے وزیر اکبر خان میں ان کے براہ راست حکم سے ایک ڈرون حملہ کیا گیا جس میں القاعدہ کا سرغنہ ایمن الظواهری ہلاک ہو گیا ہے۔

0
شیئر کیجئے:
ہمیں فالو کریں
تازہ ترین