ولایت پورٹل:دنیا بھر کے ساتھ ساتھ پندرہ شعبان کی تقریبات  کے لیے ایران کے سبھی چھوٹے بڑے شہروں، قصبوں اور گاؤں بالخصوص تہران، مشہد اور قم میں مسجدوں، سڑکوں اور گلیوں کو برقی قمقموں اور رنگ برنگے پرچموں سے سجایا جاتا ہے۔ لوگ اس پر مسرت موقع پر مٹھائی، شربت وغیرہ تقسیم کر کے خوشی کا اظہار کر رہے ہیں۔
 رپورٹ کے مطابق جہاں ایک طرف لوگ اس پر مسرت موقع پر مٹھائی، شربت وغیرہ تقسیم کر کے خوشی کا اظہار کر رہے ہیں اور جشن کی محفلیں ہو رہی ہیں تو  دوسری طرف مسجدوں و امام باڑوں میں لوگ نماز و عبادت میں بھی مشغول رہیں ۔
 چودہ اور پندرہ شعبان کی درمیانی رات کو قم شہر کے مضافات میں واقع مسجد جمکران عقیدتمندوں سے لبریز نظر آئی، اس مبارک موقع پر فرزند رسول امام مہدی آخر الزماں علیہ السلام سے منسوب اس مسجد میں سال کا سب سے بڑا مذہبی اجتماع منعقد ہوتا ہے جہاں پورے ایران سے عوام مسجد جمکران پہونچنے کی کوشش کرتے ہیں۔  
تاریخ کے مطابق 15 شعبان سنہ 255 ہجری کو حضرت امام مہدی علیہ السلام عراق کے سامرا شہر میں پیدا ہوئے۔ آپ کے پدر بزرگوار فرزند نبی اسلام حضرت امام حسن عسکری علیہ السلام اور والدہ گرامی حضرت نرجس خاتون ہیں۔