Code : 3986 3 Hit

افغانستان میں طالبان اور فوج کے درمیان جھڑپیں؛40افراد ہلاک

افغان فوج اور طالبان کے درمیان ہونے والی تازہ ترین جھڑپوں میں کم سے کم چالیس افراد ہلاک ہو گئے ہیں۔

ولایت پورٹل:افغان ذرائع ابلاغ کی رپورٹ کے مطابق شمالی افغانستان کے صوبہ تخار کے پولیس ہیڈ کوارٹر کے ترجمان خلیل اسیر نے اعلان کیا ہے کہ افغان فوجیوں نے ہفتے کو ضلع بہارک پر طالبان کے حملے کو پسپا  کر دیا۔
اس دوران ہونے والی جھڑپوں میں بارہ طالبان ہلاک اور سات زخمی ہو گئے۔ افغانستان کی وزارت دفاع نے بھی ہفتے کو صوبہ خوست میں اٹھارہ طالبان کی ہلاکت کی خبر دیتے ہوئے کہا ہے کہ ان جھڑپوں میں مرنے والوں میں چار طالبان سرغنہ بھی شامل ہیں۔
افغانستان کی وزارت دفاع نے مزید کہا کہ آٹھ طالبان صوبہ ہلمند میں افغان فوج کے ساتھ جھڑپوں میں مارے گئے ہیں،صوبہ کاپیسا کے مقامی حکام کا بھی کہنا ہے کہ طالبان کے حملے میں کاپیسا پولیس کا ایک دفتری عہدیدار اور ایک اہکار مارا گیا ہے ۔

0
شیئر کیجئے:
ہمیں فالو کریں
تازہ ترین