بن سلمان کا شام کے سلسلہ میں اپنی غلط پالیسیوں کا اعتراف

لبنان کے ایک اخبار نے انکشاف کیا ہے کہ سعودی ولی عہد نے تسلیم کیا ہے کہ شام اور دمشق کے بارے میں ان کی ملک کی پالیسیاں غلط ہیں۔

ولایت پورٹل:لبنانی روزنامہ الدیار نے سعودی ولی عہد شہزادہ محمد بن سلمان کا دمشق کے حوالے سے ریاض کی پالیسیوں کے حوالے سے ایک مضمون شائع کیاہے، روزنامہ نے لکھاہے کہ بن سلمان نے حال ہی میں سعودی عرب کے قریبی لبنانی شخصیات سے دمشق کے بارے میں ریاض کی پالیسیوں کے بارے میں بات کی۔
 رپورٹ کے مطابق الدیار نے زور دیاکہ باخبر ذرائع نے بتایا کہ سعودی ولی عہد نے سعودی عرب کے قریبی لبنانی شخصیات کو بتایا تھا کہ ریاض نے شام اور بشار الاسد کے بارے میں غلطی کی ہے، انہوں نے زور دیا کہ دمشق اور ریاض کے درمیان تعلقات ابھی باقی ہیں۔
 الدیار نے مزید لکھا ہے کہ سعودی حکام نے دمشق کے تئیں اپنی پالیسیوں کی غلطی کو تسلیم کرتے ہوئے لبنانی شخصیات سے کہا ہے کہ وہ شام کے ساتھ دوبارہ تعلقات بحال کرنا چاہتے ہیں ،یادرہے کہ  اس سے قبل دمشق اور ابوظہبی کے درمیان سفارتی تعلقات کی بحالی کی اطلاعات منظر عام پر آئی تھیں۔


0
شیئر کیجئے:
ہمیں فالو کریں
تازہ ترین