Code : 3497 63 Hit

آل سعود کا سنہری دور ختم ،بن سلمان کے خواب مٹی میں مل گئے؛سنڈے ٹائمز کی رپورٹ

ایک مغربی ذرائع ابلاغ نے تیل کی قیمتوں میں تیزی سے کمی اور ریاض پر کورونا کے پھیلاؤ کے اثرات بیان کرتے ہوئے انکشاف کیا ہے کہ سعودی ولی عہد شہزادہ کے خواب چکنا چور ہوگئے ہیں۔

ولایت پورٹل:برطانوی سنڈے ٹائمز نے لوئس کالگان کا لکھا ہوا ایک مضمون شائع کیا ہے جس میں آیا ہے کہ کورونا کے پھیلاؤاورتیل کی قیمتوں کے خاتمے کے باعث سعودی عرب کا سنہری دور ٹوٹ رہا ہے۔
مضمون میں مزید آیا ہے کہ  صحرا میں  خوابوں  کاشہر اور سعودی ولی عہدمحمد بن سلمان کے منصوبوں کے بارے میں ان کے خواب تیل کی قیمتوں میں کمی اور دنیا بھر میں کورونا کے پھیلاؤ سے بکھر رہے ہیں۔
کیونکہ سعودی عرب ایک ایسے معاشی بحران کا شکار ہے جس نے گذشتہ ہفتے کفایت شعاری کے اقدامات کی طرف رخ کیا ہے اور شہزادوں کی سرزمین میں یہ نئے اقدامات سیکڑوں اربوں کی مالیت کے ہیں۔
مذکورہ برطانوی میڈیا نے مزید لکھا ہے کہ نیوم سٹی کے منصوبے کو ایک مبہم مستقبل کا سامنا ہے اور نیوم پروجکٹ میں کام کرنے والے ٹھیکیدار کی اطلاعات سے ظاہر ہوتا ہے کہ ان کی ٹیم کے کام کے اوقات آدھے رہ گئے ہیں۔
لوئیس کالگن لکھتے ہیں بن سلمان کے منصوبے ملتوی کردیے گئے ہیں اگرچہ بند نہیں ہوئے ہیں۔
نیوم شہر کی تقدیر ان تبدیلیوں کی ایک مثال ہے جس نے سعودی عرب کو اپنی لپیٹ میں لے لیا ہے۔
یادرہے کہ گذشتہ ہفتے سعودی حکومت نے ویلیو ایڈڈ ٹیکس میں اضافہ کیا  اور اس بار اس میں 5 فیصد سے 15 فیصد تک اضافہ ہوا  جس سے سرکاری ملازمین کی تنخواہوں میں 220 پاؤنڈ کی کمی واقع ہوئی۔
سنڈے ٹائمز نے سعودی صحافی علی الاحمد کے حوالے سے نقل کیا ہے کہ کفایت شعاری کے اقدامات نے عیال دار افراد کے لیے شدید پریشانی پیدا کردی ہے  اس لئے کہ انہیں چاولوں کا ایک بیگ خریدنے میں مشکل پیش آرہی ہے، شائد سعودی تاریخ کا سب سے بڑا معاشی چیلنج ہے۔
 



0
شیئر کیجئے:
ہمیں فالو کریں
تازہ ترین