Code : 1937 42 Hit

آیت اللہ شیخ زکزکی کو ہندوستان میں اسپتال سے باہر جانے کی انھیں اجازت نہیں:آیت اللہ زکزکی کی بیٹی

آیت اللہ شیخ زکزکی کی بیٹی سهیلا زکزکی کا کہنا ہے کہ ان کے والد کو ہندوستان میں بھی آزادی نہیں ہے۔

ولایت پورٹل:آیت اللہ شیخ ابراہیم زکزکی کی بیٹی سهیلا زکزکی نے پریس ٹی وی سے گفتگو کرتے ہوئے کہا کہ ہندوستان میں ان کے والد کو مکمل آزادی نہیں ہے اور انہیں صرف اسپتال میں علاج کروانے کی اجازت دی گئی ہے اور اسپتال سے باہر جانے کی انھیں اجازت نہیں ہے،انہوں نے کہا کہ ان کے والد کی طبیعت ٹھیک نہیں ہے اور ان کا بلڈ پریشر بہت ہائی ہے،واضح رہے کہ نائیجیریا کی اسلامی تحریک کے بانی آیت اللہ شیخ زکزکی اپنی اہلیہ کے ہمراہ کل ہندوستان پہنچے، دہلی کے ایئرپورٹ پر ہندوستانی علما اورعوام  کی بڑی تعداد نےان کا پرتپاک استقبال کیا ،نائیجیریا کی اسلامی تحریک کے رہنما آیت اللہ شیخ زکزکی کا مدانتا اسپتال پہنچتے ہی معائنے کا عمل شروع ہو گیا، ساتھ ہی ان کی اہلیہ کا بھی علاج  کیا جا رہا ہے، شیخ زکزکی کی حفاظت کے لئے سکیورٹی کا سخت انتظام کیا گیا ہے،اس سے پہلے نائیجیریا کی ایک عدالت نے چند روز قبل اسلامی تحریک کے بانی آیت اللہ شیخ زکزکی اور ان کی اہلیہ کو علاج و معالجے کے لئے ہندوستان  جانے کی اجازت دی تھی،عدالت کے حکم کے باوجود نائیجیریا کی فوج اور  حکومت نے آیت اللہ زکزکی کے بیرون ملک سفر میں رکاوٹیں ڈالنے کی کوشش کی لیکن بین الاقوامی دباؤ بڑھنے کے بعد سرانجام انہیں اتوار کو ہندوستان جانے کی اجازت دے دی گئی۔
سحر


0
شیئر کیجئے:
फॉलो अस
नवीनतम