آل سعود کی پچھلے 24 گھنٹوں میں198 بار الحدیدہ جنگ بندی کی خلاف ورزی

یمنی ذرائع ابلاغ کا کہنا ہے کہ سعودی عرب الحدیدہ صوبے میں جنگ بندی کی خلاف ورزی جاری رکھے ہوئے ہے۔

ولایت پورٹل:المسیرہ چینل کی رپورٹ کے مطابق تازہ ترین اطلاعات سے ظاہر ہوتا ہے کہ سعودی جارح اتحاد الحدیدہ صوبے میں بڑے پیمانے پر جنگ بندی کی خلاف ورزی جاری رکھے ہوئے ہے، رپورٹ کے مطابق المسیرہ کا کہنا ہے کہ یمن میں سعودی عرب اور اس کے اتحاد نے الحدیدہ صوبے میں جنگ بندی کی خلاف ورزی جاری رکھی ہے اور اس نے جنگ بندی کی ذرا سی بھی پاسداری نہیں کی۔
 پچھلے 24 گھنٹوں میں سعودیوں نے الحدیدہ جنگ 198 بارجنگ بندی کی خلاف ورزی کی ہے، چینل نے کہا کہ  سعودی عرب نہ صرف الحدیدہ صوبے کو بڑے پیمانے پر فضائی حملوں سے نشانہ بنا رہا ہے ، بلکہ اس کے جاسوس طیارے بھی صوبے کی فضا میں  مسلسل پرواز کر رہے ہیں۔
واضح رہے کہ  الحدیدہ صوبے کے علاوہ سعودیوں نے دوسرے صوبوں میں بھی اپنے حملے جاری رکھے ہوئے ہیں اور تازہ ترین صورت حال میں انہوں نے بار بار فضائی حملوں میں صعدہ اور مأرب صوبوں کو نشانہ بنایا ہے۔
قابل ذکر ہے کہ اسٹاک ہوم معاہدے کے فریم ورک میں الحدیدہ جنگ بندی کے قیام کے بعد سے سعودی عرب نے اس جنگ بندی پر عمل نہیں کیا،ریاض کی جانب سے الحدیدہ جنگ بندی کی عدم تعمیل پر وسیع پیمانے پر یمنی مظاہروں کے باوجود اقوام متحدہ نے سعودی جارحیت کو روکنے کے لیے ابھی تک کوئی اقدام نہیں کیا اس لیے کہ اسے اپنے ڈالروں کی پرواہ ہے نہ یمنی بے گناہ اور معصوم بچوں کی جانوں کی۔


0
شیئر کیجئے:
ہمیں فالو کریں
تازہ ترین