Code : 3525 17 Hit

الحشد الشعبی پر حملہ عراق پر حملہ ہوگا:عراقی پارلیمنٹ ممبر

عراقی پارلیمنٹ ممبر نے الحشد الشعبی پر کسی بھی ممکنہ امریکی حملے کے خلاف انتباہ کرتے ہوئے کہا ہے کہ واشنگٹن الحشد پر فضائی حملہ کرنے کے لیے پر تول رہا ہے۔

ولایت پورٹل:العربی الجدید لندن ایڈیشن کی رپورٹ کے مطابق عراقی پارلیمنٹ کے ایک رکن کریم المحمداوی نے زور دے کر کہا کہ عراقی مزاحمتی گروہ قومی گروہ ہیں جو قبضہ کاروں کو بے دخل کرنے کی کوشش کر رہے ہیں۔
المحمداوی نے مذکورہ  اخبار کو بتایا کہ امریکہ عراقی حکومت کو کھلے اور خفیہ بیانات اور پیغامات کے ذریعے الحشد الشعبی کے رول کو محدود کرنے کی کوشش کر رہا ہے۔
انھوں نے اس پر زور دیتے ہوئے کہ امریکہ مختلف طریقوں سے الحشد الشعبی کو نشانہ بنانے کی کوشش کر رہا ہے ، کہا کہ الحشد پر حملہ کرنے کا مطلب عراق پر حملہ کرنا ہےکیونکہ یہ تنظیم ایک سکیورٹی ادراہ ہے۔
عراقی پارلیمنٹ ممبر نےیہ کہتے ہوئے کہ واشنگٹن الحشدالشعبی پر فضائی حملہ کرنے کے لیے پر تول رہا ہے ،کہا کہ یہ حملے پہلے بھی ہوچکے ہیں  لیکن عراقی  نو منتخب وزیر اعظم مصطفیٰ الکاظمی کی حکومت کا ایک کام یہ ہے کہ وہ سفارت کاری کے ذریعے عراقی سکیورٹی اداروں کی مدد کرے۔
ان کا خیال ہے کہ الحشد الشعبی ، یا اسلامی مزاحمتی گروپوں میں سے کسی پر امریکی حملہ ، دونوں فریقوں کے مابین تنازعہ پیدا کرسکتا ہےاگرچہ ہم کسی کے ساتھ جنگ میں نہیں جانا چاہتےکیونکہ یہ جنگ دہشت گرد گروہ داعش کے خلاف ہونی چاہئے جس نے اپنی سرگرمیاں دوبارہ شروع کردی ہیں۔
المحمداوی نے مزید کہا کہ واشنگٹن نے اب تک عراق کے فیصلوں اور پارلیمانی قراردادوں پر کوئی توجہ نہیں دی ہے جو قراردادیں عراقی ٹھکانوں سے قابضین (امریکی افواج) کے انخلا پر مشتمل ہیں اور ہم عراق اور امریکہ کے مابین آئندہ ہونے والے مذاکرات کے نتائج کے بھی منتظر ہیں۔
 

 


0
شیئر کیجئے:
ہمیں فالو کریں
تازہ ترین