Code : 4016 4 Hit

صیہونیوں کے ہاتھوں مسجد کو نذر آتش کیے جانے پر حماس کی مذمت

حماس کے ترجمان نے صہیونی آباد کاروں کے ہاتھوں مغربی پٹی میں ایک مسجد میں آگ لگانے کی کوشش کی مذمت کی ہے۔

ولایت پورٹل:فلسطین الیوم کی رپورٹ کے مطابق حماس کے ترجمان حازم قاسم نے مغربی کنارے کے شہر البیرہ میں صہیونی آباد کاروں کے ہاتھوں ایک مسجد کو آگ لگانےکی مذمت کی، انہوں نے مزید کہاکہ البیرہ میں مسجد نذر آتش کرنا ایک وحشیانہ فعل ہے جو صیہونی حکومت کے زوال اور اس کی انسانی اقدار کی مخالفت اور مختلف مذاہب کے احترام کے نظر انداز کرنے کو ظاہر کرتا ہے۔
حازم قاسم نے مزید کہا کہ صیہونی آباد کاروں کے ذریعہ کیے جانے والے جرائم فلسطینی عوام کے خلاف صیہونی اداروں کے افکار اور ان کی نسل پرستانہ پالیسیوں کا نتیجہ ہیں، انہوں نے مغربی کنارے کے عوام سے مطالبہ کیا کہ وہ صیہونیوں کے جرائم کا مقابلہ کرنے اور ان کی تکرار کو روکنے کے لئے مل کر کام کریں۔
یادرہے کہ صہیونی آباد کاروں نے پیر کی صبح مغربی کنارے میں واقع ایک مسجد کے کچھ حصہ کو نذر آتش کردیا، مسجد کے کچھ حصے جلانے کے بعد صہیونی آباد کاروں نے اس کی دیواروں پر نسل پرستانہ نعرے لکھے،البیرہ شہر کے میئر عزام اسماعیل نے اعلان کیا کہ صیہونی آباد کاروں نے صیہونی فوجی دہشتگردوں کے اشاروں پر  اس قصبے پر حملہ کیا اور مسجدالبیرہ کے کچھ حصوں کو آگ لگا دی جس کے بعد فلسطین کے عوامی حلقوں میں غم وغصہ کی لہر دوڑ گئی اور عوامی تنظیم حماس نے صیہونیوں کے اس اقدام کی سخت مذمت کی ہے۔
یادرہے کہ صیہونی آئے دن فلسطینیوں کے خلاف طرح طرح کے مظالم کررہے اور ان کی اقدار کو پیروں تلے روند رہے ہیں لیکن عالمی برادری کو ٹس سے مس نہیں بلکہ وہ الٹا فلسطینیوں کے خلاف اور صیہونیوں کے حق ہی میں بولتے ہیں  جس میں اقوام متحدہ پیش پیش ہے۔


0
شیئر کیجئے:
ہمیں فالو کریں
تازہ ترین