Code : 3530 13 Hit

20 ملین یمنی خوراک کے عدم تحفظ سے دوچار ہیں:ورلڈ فوڈ پروگرام

ورلڈ فوڈ پروگرام کے عہدیداروں نے یمن میں انسانی صورتحال اور خوراک کی حفاظت کے فقدان سے خبردار کیا ہے۔

ولایت پورٹل:اسپوٹنیک نیوز ایجنسی کی رپورٹ   کے مطابق  ورلڈ فوڈ پروگرام نے یمنیوں کے لئے سنگین حالات اور ملک میں زندہ رہنے کے لئے انسانی امداد کی عدم دستیابی سے خبردار کیا ہے۔
ورلڈ فوڈ پروگرام کے عہدیداروں کا کہنا ہے کہ یمنیوں کو انسانی امداد فراہم کرنے کے لئے انہیں 878 ملین ڈالر کی ضرورت ہے۔
انہوں نے مزید کہا کہ یمن پر حملوں نے طبی بنیادی ڈھانچہ کو تباہ کردیا ہے اور کورونا وائرس کے پھیلاؤ کے نتیجے میں ملک کو قحط کے دہانے پر لا کھڑا کردیا ہے۔
ورلڈ فوڈ پروگرام کی ترجمان ایلزبتھ برز نے کہا کہ یمن میں انسانیت سوز صورتحال قابو سے باہر ہوسکتی ہے اور لاکھوں یمنی شہریوں کی جان کو خطرہ ہےاس لیے کہ اس وقت بھی  20 ملین سے زیادہ یمنی غذائی تحفظ کی کمی کا شکار ہیں۔
انہوں نے مزید کہا کہ کورونا وائرس کے پھیلاؤ نے یمنی بچوں کو بھی غذائیت کا شدید خطرہ لاحق کردیا ہے،ہمیں ہر ماہ 12 ملین سے زیادہ افراد کے لئے فوری طور پر خوراک کی امداد کی ضرورت ہے۔
 


0
شیئر کیجئے:
ہمیں فالو کریں
تازہ ترین