Code : 621 19 Hit

کینیڈا میں مسجد پر فائرنگ کرکے 6 نمازیوں کو قتل کرنے والے ملزم کوعمر قید کی سزا

کینیڈا میں مسجد پر فائرنگ کرکے 6 نمازیوں کو قتل کرنے والے ملزم الیگزینڈر بسونیٹ کوعمر قید کی سزا سنادی گئی۔


ولایت پورٹل:رائٹرز نیوز ایجنسی کی رپورٹ کے مطابق کینیڈا میں مسجد پر فائرنگ کرکے 6 نمازیوں کو قتل کرنے والے ملزم الیگزینڈر بسونیٹ کوعمر قید کی سزا سنادی گئی،کینیڈا کی عدالت نے 29 سالہ نوجوان الیگزینڈر بسونیٹ کو 6 افراد کے قتل اور اقدام قتل کے دیگر مقدمات میں عمر قید سزا سنادی، ملزم کو 40 سال بعد پیرول پر رہا کیا جا سکے گا، ملزم نے جنوری 2017 میں کینیڈا کے شہر کیوبک کی ایک مسجد پر حملہ کرکے 6 نمازیوں کو قتل اور 6 کو زخمی کردیا تھا، وزیراعظم جسٹن ٹروڈو نے واردات کو دہشت گردی قرار دیتے ہوئے ملزم کو قرار واقعی سزا دلوانے کا وعدہ کیا تھا، پراسیکیوٹر نے دہشت گردانہ کاروائی پر ملزم کو 6 بار سزائے موت یا 150 سال قید کی سزا کی استدعا کی تھی تاہم عدالت نے ملزم کی کاروائی کو مذہبی منافرت کے بجائے پناہ گزینوں کے خلاف نفرت اور ملزم کی ذہنی حالت کو مد نظر رکھتے ہوئے عمر قید کی سزا سنائی، کینیڈا میں 2012 سے مسلمانوں کے خلاف نفرت آمیز رویے میں اضافہ ہوا اور 2017 میں مذہبی تعصب کی بنیاد پر تشدد کا نشانہ بنانے کے سب سے زیادہ واقعات رپورٹ ہوئے تھے۔
مہر


0
شیئر کیجئے:
फॉलो अस
नवीनतम