Code : 540 57 Hit

واٹس ایپ صارفین پر ایک اور پابندی عائد

واٹس ایپ نے افواہوں کی روک تھام کے لیے اپنے صارفین پرایک نئی پابندی عائد کر دی ہے۔

ولایت پورٹل:آج کی دنیا میں پیغام رسانی میں آسانی کے باعث افواہوں پر قابورکھنا انتہا ئی مشکل کام ثابت ہو رہا ہے، پیغام رسانی کے مقبول ترین پلیٹ فارم واٹس ایپ نے اسی مشکل پر قابو پانے کے لیے یہ پابندی عائد کردی ہے کہ صارف ایک پیغام پانچ لوگوں یا گروپس سے زائد میں فارورڈ نہیں سکتا،صارفین کو 5 لوگوں سے زائد لوگوں کو پیغامات بھیجنے کے لیے پیغام کو کاپی کر کے ایک ایک نمبر پر بھیجنا ہوگا،واٹس ایپ کے ترجمان کے مطابق یہ پابندی واٹس ایپ کی جانب سے دنیا بھر میں ان کے پلیٹ فارم سے افواہوں کی روک تھام کے لیے عائد کی گئی،واٹس ایپ کے ترجمان کے مطابق فارورڈڈ پیغامات کی تعداد کی حد طے کرنے کے بعد سے دنیا بھر میں آگے بھیجے جانے والے پیغامات کی تعداد میں خاطر خواہ کمی نظر آئی ہے،اس سے قبل واٹس ایپ پر صارف ایک وقت میں 20 لوگوں کو میسج فارورڈ کرسکتا تھا،یہ پابندی ایک ایسے وقت میں سامنے آئی ہے جب واٹس ایپ اور فیس بک کی دیگر سروسز افواہوں اور پروپیگینڈا پھیلانے کی الزامات کے زد میں ہیں،واٹس ایپ نے اسی پالیسی کے تحت انڈیا میں یہی پابندی 6 ماہ پہلے لگائی تھی۔
تسنیم


0
شیئر کیجئے:
फॉलो अस
नवीनतम